|
La 24-an de julio familianoj de Rebiya Kadeer -- filo Khahar, filino Roxingul kaj frato Memeti -- sendis leteron al familianoj de la viktimoj de la evento okazinta en Urumqi la 5-an de julio. Ili esprimas malkontenton al la secesiaj agoj de Rebiya Kadeer kaj petas pardonon de la senkulpaj mortigitaj popolanoj kaj iliaj familianoj.
Ili diras en la letero: "En la 5-a de julio okazis en Urumqi perforto kaj pro tio preskaŭ 200 senkulpaj popolanoj mortis, centoj da aŭtoj estis forbruligitaj, miloj da homoj estis vunditaj kaj la posedaĵoj de popolanoj estis serioze detruitaj. Multaj faktoj pruvas, ke la evento en la 5-a de julio estas agado organizita de la Monda Ujgura Kongreso sub gvido de nia patrino kaj praktikita de iuj enlandaj secesiistoj."
La letero diras: "Ĝuste en la 5-a de julio, ses horojn antaŭ la evento, nia patrino telefonis al ni kaj diris, ke okazos serioza evento. Post la evento ni ege indignis kaj ankaŭ hontis. Tiu, kiu krimis, devas porti sian respondecon. Ni esperas ankaŭ, ke ĉiuj ujguraj gefratoj ne kredos je la vortoj de nia patrino; ni, diversnaciaj popolanoj, devas unuiĝi kaj harmonie kunvivi kaj fari nian kontribuon por konstrui kvietan, belan kaj feliĉan Xinjiang."
|
