|
La 16-an de aŭgusto pli ol 300 loĝantoj ĉe akvo-rezerveja regiono de Danjiangkou estis translokataj sinsekve el la gubernio Xichuan de la provinco Henan, akvo-konduka fonto de la mezlinia konstruado por konduki sudan akvon norden, kaj ili loĝos en novaj vilaĝoj aparte konstruitaj por ili.
Tio signifas, ke oficiale komenciĝis la dua grandskala translokado de loĝantoj ĉe akvo-rezerveja konstruejo, post translokado de loĝantoj por la tri-gorĝa programo de Yangzi-rivero en Ĉinio.
En 2002 Ĉinio komencis la konstruadon por ekologie konduki sudan akvon norden laŭ la linioj orienta, meza kaj okcidenta. Post la finkonstruado, la totala akvo-konduka kvanto egalos al la akva kvanto de la Flava Rivero, tio solvos akvo-mankan problemon por 300 milionoj da loĝantoj en norda Ĉinio.
| 
