| 2009-09-11 2009-09-11
|
 |
|
Han Zuwu, prezidanto de TEA |
Inaŭguriĝis la 7-a populariga semajno de sociaj sciencoj la 9-an de septembro en Tianjin, Ĉinio. La malferman ceremonion ĉeestis pli ol 400 personoj, inkl. de Xiao Huaiyuan, gvidanto de la propaganda departemento de Tianjin, direktoroj de la Tianjin-a Federacio de Sociaj Sciencoj, estroj kaj fakuloj el diversaj rondoj kaj superaj lernejoj de Tianjin, kaj ankaŭ lokaj samideanoj.
La Tianjin-a Esperanto-Asocio (TEA) estis premiita kiel elstara organizo kaj s-ro Han Zuwu, prezidanto de TEA, kiel elstara laboranto en la popularigo de sociaj sciencoj en Tianjin de 2006 ĝis 2008.
La 12-an de septembro okazos en urbocentro grandskala konsultado, en kiu partoprenos TEA. En la 25-a de la sama monato, TEA organizos en Tianjin-Universitato prelegon kun la temo "La internacia helpa lingvo Esperanto kaj ĝia aplikado".
(Sekretariejo de TEA)
|
