| 2009-10-22
La 17-18-an de oktobro okazis en vilao situanta piede de pitoreskejo Lushan-montaro en Jiujiang de Jiangxi-provinco, Ĉinio, la 2-a Lushan-a Forumo de Esperanto. Ĝin partoprenis pli ol 40 esperantistoj ĉinaj kaj alilandaj. La forumo havas la temon "Ĝuu Esperanton".
Dum la forumo Gong Xiaofeng, prezidanto de la Jiangxi-a Esperanto-Asocio, faris raporton pri laboro de la asocio. Hu Guozhu, veterana esperantisto el Hubei-provinco, faris ĉefprelegon sub la titolo "Tao Yuanming kaj la idealo de Esperanto", Augusto el Hispanio fari prelegon pri artefarita lingvo, Dannis el Usono -- pri instruado de Esperanto, kaj Peng Zhengming -- pri Esperanta vortoludo. Oni aranĝis ankaǔ Esperantajn kursojn por komencantoj kaj progresantoj, ekskurson kaj diversajn amuzajn aktivadojn. La partoprenantoj interŝanĝis Esperantajn legaĵojn kaj memoraĵojn. La forumo donis al la samideanoj bonan ŝancon por ĝui, uzi kaj disvastigi Esperanton.
(Raportis Niu Xueqin)
|
 |
| Gong Xiaofeng faras laborraporton de la Jiangxi-a Esperanto-Asocio. |
| |
|
 |
| Hu Guozhu faras ĉefprelegon. |
| |
|
 |
| Augusto el Hispanio prelegas. |
| |
|
 |
| Peng Zhengming faras prelegon. |
| |
|
 |
| Ĉeestantoj interparolas. |
| |
|
 |
| Ripozantaj esperantistoj |
| |
|
