| 2009-10-26
La 25-an de oktobro okazis en la iraka ĉefurbo Bagdado la suicida aŭtobomba atako, kiu kaŭzis la morton de almenaŭ 147 homoj kaj la vundiĝon de 600 homoj. En la sama tago la internacia socio faris fortan kondamnon al tiu ĉi terorisma eksplodiga evento.
La Sekureca Konsilio de UN diris en sia deklaro, ke la konsilio esprimas la kondolencon al la familianoj de la viktimoj kaj reasertas sian subtenon al la irakaj registaro kaj popolo. La deklaro ankaŭ emfazas la necesecon laŭleĝe puni atakantojn, organizantojn kaj monhelpantojn de la evento, kaj apelacias al ĉiuj membrolandoj de UN doni aktivan helpadon al la iraka instanco en ĝia agado ĉiflanke.
Ban Ki-moon, ĝenerala sekretario de UN, pere de sia proparolanto publikigis deklaron, kiu forte kondamnis la atakantojn kaj esprimis funebron al ĉiuj mortintoj.
Ankaŭ la Afrika Unio, la Eŭropa Unio, Usono, Francio k.a. faris kondamnon al la terorismo kaj esprimis funebron al la viktimoj.
(el Ĉina Radio Internacia)
Redaktoro: Wang Lihua
| 
