| 2009-11-11
La 10-an de novembro ĉina ŝtata prezidanto Hu Jintao intervidiĝis en Kuala-Lumpuro kun malajzia suvereno Mijan Zainal Abidin. La ŝtataj estroj de ambaŭ landoj estas kontentaj pri disvolviĝo de la rilatoj inter la du landoj. Ili volas klopodi plu por profundigi la kunlaboron inter la du landoj, feliĉigi la du popolojn, kaj fari pli grandan kontribuon por la paco kaj disvolviĝo de la propra regiono.
Hu Jintao diris, ke Ĉinio kaj Malajzio estas bonaj najbaroj kaj amikoj, kaj la kontakto inter la du popoloj havas tre longan historion; en 35 jaroj post sia establiĝo la diplomatiaj rilatoj inter la du landoj rapide disvolviĝas. Li montris, ke la rilatoj inter la du landoj nun estas en la grava periodo de la plua disvolviĝo kaj vizaĝas al novaj disvolvaj ŝancoj; nun la regiona situacio profunde ŝanĝiĝas, kaj influo de la financa krizo evidentiĝas plue; ekspansiigo de la strategia kunlaboro ne nur konformas al komunaj interesoj de la du landoj, sed ankaŭ utilas al la stabileco kaj prospero de la propra regiono; Ĉinio alte taksas disvolvon de la rilatoj kun Malajzio, kaj volas klopodi kune kun Malajzio por senĉese antaŭenpuŝi la amikan kunlaboron al la nova ŝtupo.
(el Ĉina Radio Internacia)
Redaktoro: Wang Lihua | 
