Lastatempe en sia 27-a kunveno pri mondaj heredajhoj Unesko decidis meti naturajn pejzaghojn inter paralelaj riveroj Nujiang, Lancang kaj Jinsha en nordokcidenta Yunnan de Chinio en sian Liston de Mondaj Kulturaj kaj Naturaj Heredajhoj.

     La naturaj pejzaghoj inter Nujiang-, Lancang- kaj Jinsha-riveroj okupas areon de 41 mil kvadrataj kilometroj, kie renkontighas la Orientazia, Sudazia kaj Qinghai-Tibeta Altebenajhoj. Tie oni povas vidi raran altmontan geomofologion kaj richajn kreskajhojn. Tie vivas 16 nacimalplimultoj kun malsamaj lingvoj, religiaj kredoj kaj moroj.

     En 1985 la china registaro alighis al "Konvencio de Protekto de Mondaj Kulturaj kaj Naturaj Heredajhoj". En 1987 en la 11-a kunveno de Unesko pri mondaj heredajhoj unuafoje 6 lokoj de Chinio, nome Taishan-monto, la Granda Muro, la Imperiestra Palaco de Pekino, Mogao-shtonkavernaro, Mauzoleo de la Unua Imperiestro de Qin-dinastio kaj la ruino de restadejo de pekinhomoj en Zhoukoudian estis metitaj en la Liston de Mondaj Kulturaj kaj Naturaj Heredajhoj. Nun la listo havas 29 naturajn pejzaghojn kaj kulturajn heredajhojn el Chinio.

Mondaj Kulturaj Heredajhoj en Chinio