La
22-an de majo neaktiva vakcino kontrau SARS-viruso, sankciita de
la Shtata Administracio de Manghajh-Medikamenta Kontrolo de Chinio,
estis oficiale uzata por unuaperioda klinika esplorado. 4 chinaj
volontuloj ricevis neaktivan vakcinon kontrau SARS-viruso au placebon
en la Pekina China-Japana Amikeca Hospitalo. Nun ilia sanstato estas
bona. Antau tio tia vakcino estis uzita al multe da bestoj kaj rikoltis
sukceson.
La
4 volontuloj estas studentoj de superaj lernejoj de Pekino. El ili
3 estas viroj kaj unu virino. Post 2-hora observado okazis al ili
neniu malbona reakcio nek alia eksterordinarajho, tial ili forlasis
la hospitalon. En la 3 tagoj ekde la 22-a ili chiutage devis iri
al la hospitalo por esti klinike observataj kaj akcepti sangan ekzamenon.
Post 210 tagoj finighos la tuta observado.
Lau
koncernaj difinoj chiuj nove faritaj vakcinoj devas esti klinike
esplorataj pri la sekureco, imuneco kaj efikeco antau la efektiva
uzado. Per duoble blinda testo kaj sencela specimenado oni faras
unuecan numeradon de la esplorataj vakcinoj kaj placeboj kaj inokulas
ilin al la volontuloj. Ankau la vico de la volontuloj estas sencele
specimenata, tial la kuracistoj kaj la volontuloj ne scias, chu
la injektajho estas vakcino au placebo.
La
projekto de la chi-foja klinika testo estis aprobita de la Etika
Komisiono kaj argumentita de multaj fakuloj kaj la Monda San-Organizo
kaj estas praktikata lau internacia kutimo.
Rilata
artikolo:
Vigla
kaj aplomba Pekino antau SARS
|