Tutmonda fabelkonkurso invitas infanojn verki

    La literatura edukejo Paatalo-Instituto en Taivalkoski, Finnlando, havas por la tria fojo Esperanto-branchon en sia fabelkonkurso, kiu okazas ekde 1993 kaj estas la plej konata en sia speco en la lando. La instituto estas nomita lau Kalle Paatalo (1919-2000), populara verkisto naskighinta en Taivalkoski, kaj ghia direktoro estas Osmo Buller.

    La konkurso estas auspiciata de UEA. Estas tri kategorioj: A: infanoj ghis 9-jaraj; B: 10-11-jaraj; C: 12-14-jaraj. Rajtas partopreni individuoj au grupoj (ekz. lernejaj klasoj). Individuaj kaj grupaj verkoj estos taksitaj aparte. La longeco de la verkoj ne estas fiksita. En la skribado au tajpado plenkreskulo rajtas teknike helpi lau sia konscienco. La konkursajhoj alvenu ghis la 20-a de septembro 2002 al la adreso: Paatalo-Instituto, PL 39, FI- 93401 Taivalkoski, Finnlando.

    Oni skribu sur la koverto la vorton "Fabelkonkurso". Oni uzu kashnomon kaj menciu, chu temas pri grupo au unuopulo. La nomo, adreso, naskighdato kaj (se eble) telefonnumero au retadreso de la konkursanto estu en aparta koverteto. Pli da informoj che la komisiito: S-ino Aini Vaaraniemi, Vaarajarventie 26 A, FI-93590 Vanhala, Finnlando. Rete: <aini.vaaraniemi@pp.inet.fi>

    Kelkaj fabeloj antaue premiitaj legeblas en <www.taivalkoski.fi/paatalo-instituutti>

(Osmo Buller)

1. 2.