Persa-Esperanta revuo aperis en Irano

    En la historio de Esperanto en Irano neniam aperis oficiale revuo en Esperanto. Antau 6 monatoj post 5-jara atendado oni akiris la permeson de la Ministerio pri Kulturo, ke s-ino Fariba N. Maghd estu respondeca direktorino de la persa-Esperanta revuo "Payam-e Sabzandishan" (Mesagho de Verdpensuloj).

    En la 25-a de septembro jam aperis la 1-a numero de trimestra revuo Sabzandishan en du lingvoj.

En la persa:
 -- Artikoloj kaj informoj pri lingvaj aferoj, E-movado kaj informoj pri Esperanto. Kulturtemaj artikoloj...

En Esperanto:
 -- Artikoloj pri Irano, iranaj kultur-historio kaj literaturo...

    Adreso: Revuo Sabzandishan, P.O. Kesto 17765-184, Tehran, Irano; retadreso: info@sabzandishan.com.

(Reza Torabi <espiran@safineh.net>)

Pri la projekto "Lingvo de paco/zaban-e-salam"

     La projekto "Lingvo de paco/zaban-e-salam" estis iniciatita en oktobro 2001 kaj post diskutoj kaj esploroj pri la afero venis konsento de la flanko de UEA kaj en la kadro de la Irana Esperanto-Centro oni ekfunkciigis la projekton.

    Komence ni esploris eblecon kontakti afganajn organizajhojn, kiuj estas en Irano. Ni preparis specialajn informilojn por ili kaj konigis al ili Esperanton, Esperanto-movadon, UEA kaj nian intencon pri instruado de Esperanto al la interesighantoj. Ni kontaktighis kun pli ol 10 koncernaj organizajhoj kaj redakcioj, kaj post nelonga tempo venis pozitivaj reagoj pri nia afero chefe el Mashado.

    Instrui Esperanton al militosuferantoj, kiuj perdis preskau chion kaj nun loghas en Irano, kauzas specialan plezuron kaj kortushon, kiun nur esperantistoj kapablas kompreni!

    Instruado de Esperanto al rifughintoj, kiuj jam emas reiri al sia hejmo, garantias la ekziston kaj vivon de Esperanto en Afganio, kiun nun la tuta mondo unuanime jam intencas kunhelpi kaj ni esperantistoj ankau niavice intencas helpeti lau niaj povoj. Rilatigi afganojn kun aliaj mondanoj pere de la neutrala lingvo, kies kulturo kaj filozofio plenplenas de pacamo, amikeco kaj interfrateco, povas esti favora kaj nobla donaco al ili.

1. 2.