Nova TTT-pagho de Meksika Esperanto-Federacio

    Meksika Esperanto-Federacio havas novan TTT-pagho:
http://www.esperantomex.org/, kie vi povos trovi la novan eldonon kun interesaj artikoloj pri la Esperanto-movado kaj aliaj rilataj temoj. Bonvolu shanghi la antauan adreson <www.punto-y-aparte.com/esperanto> al la nova. La nova retadreso estas: <mef@esperantomex.org>.

(Jorge Luis Gutirrez)

Kongreso de la Tri Kalifornioj okazonta

    Kongreso de la Tri Kalifornioj okazos inter la 7-a kaj la 11-a de decembro 2001 en Mexicali, Meksikio. Telefakso: 5-56-58-86, retposhto: rufegon@mxl.cablemas.com. Pri detalaj aranghoj legu Finan programon kaj Programon de la AIS-N.A.

Meksika Esperanto-Federacio invitas vin al...

    Meksika Esperanto-Federacio invitas chiujn infanojn kaj gejunulojn (esperantistoj kaj gefiloj de esperantistoj) partopreni konkurson pri desegnado kaj pentrado, okaze de la 5-a Tutamerika Kongreso de Esperanto, realigota en Meksikurbo de la 15-a ghis la 21-a de aprilo 2001. La interesitoj povas partopreni per desegnajho au pentrajho lau iu ajn tekniko, ne tridimensia, en mezuro maksimume 40 x 55 cm, en unu el la tri sekvaj kategorioj: a) 4- ghis 9-jaruloj; b) 10- ghis 14-jaruloj; c) 15- ghis 18-jaruloj. La konkursa temo estas "Kiel mi vidas mian landon". Dorse de la verko devas esti klare notitaj la sekvaj informoj: kompleta nomo de la autoro, adreso, naskighdato, titolo kaj tekniko. La konkursajhon oni sendu volvitan, ne falditan, al la sekva adreso: Meksika Esperanto-Federacio, Relaciones Exteriores No. 24, Colonia Federal MX-15700, Mexico, D.F. La konkursajhoj estos akceptataj ghis la 5-a de marto 2001. Estos aljughitaj po unu premio al chiu el la tri kategorioj a, b kaj c; tiu premio konsistos el meksika artajho. Cetere, estos aljughitaj du premioj "Honora mencio" en chiu kategorio. Chiu konkursajho ricevita farighos parto de la kolekto de MEF. Ni esperas kalkuli je via entuziasma partopreno!

(Leonora Gonzalez)

1. 2. 3.