La
7-an de aprilo, 2004, mi renkontis Zhang Baowen, vicministron de
la Ministerio de Agrikulturo de Chinio, en la Popola Halo, Pekino.
Antau komputilo li movis muson kaj malfermis la retejon www.nmpx.gov.cn/
kaj sur la ekrano tuj aperis bela retpagho de la China Reto por
Trejnado de Kamparaj Laboruloj Cele Ilian Transpostenighon. Tio
markis, ke oficiale komencighis la projekto "Lumo" aranghita
kune de la chinaj Ministerioj de Agrikulturo, Financo, Laboro kaj
Socia Garantio, Edukado, Scienco kaj Teknologio kaj Konstruado.
Sub
la financa helpo de la registaro la projekto "Lumo" prenis
la grenajn produktejojn, lokojn, de kie multe elmigris laboruloj,
malrichajn regionojn kaj iamajn revoluciajn regionojn kiel gravajn
lokojn, gvidatajn de la merkata bezono. Lau la projekto oni trejnos
chefe kamparanojn por transpostenigi ilin al alia okupo kaj lau
la principo "akcelo de la registaro, administrado de lernejoj,
kontrolado de diversaj departementoj kaj favorigo al la kamparanoj"
faros chion eblan por levi la laborkapablon kaj teknikon de la kamparanoj
por ilia refoja sinokupado, ilia transiro al la urboj kaj levigho
de ilia enspezo, kaj akceli la harmonian ekonomian disvolvighon
de la urboj kaj kamparo.
La
projekto "Lumo" estos praktikata en 3 periodoj: En 2004-2005
la registaro dedichos grandan atenton al mallongtempa trejnado pri
teknikoj kaj al esplorado de labormetodoj pri la trejnado por meti
firman bazon por grandskala transposteniga trejnado en la estonteco.
En tiu periodo oni trejnos 5 milionojn da kamparanoj, alivorte en
chiu jaro 2.5 milionojn da kamparanoj. En 2006-2010 estos farata
grandskala trejnado pri teknikoj tra la tuta lando kaj fondighos
trejna sistemo por transpostenigi la kamparanojn. La registaro intensigos
disvolvon de la kampara laborforto kaj trejnos 30 milionojn da kamparanoj
por ilia transpostenigho. Post 2010 postulate de la harmonia ekonomia
kaj socia disvolvigho de la urboj kaj kamparo, la registaro pluapashe
dilatos la trejnan skalon kaj levos la trejnan nivelon, por ke la
ghenerala scienc-teknika kaj kultura kvalitoj de la kamparaj laboruloj
konformu al la moderniga postulo de Chinio.
Materialo
Chinio
nun havas 480 milionojn da kamparaj laboruloj, inter kiuj 160 milionoj
laboras en vilaghaj entreprenoj kaj aliaj neagrikulturaj aferoj
kaj 320 milionoj sin okupas pri terkulturado. Enketo montras, ke
terkulturado bezonas nur 150 milionojn da laboruloj, kaj forstumado,
pashtado kaj fishado 20 milionojn da laboruloj, tial agrikulturo
bezonas nur 170 milionojn da laboruloj, kaj la superfluaj laboruloj
en la china kamparo estas 150 milionoj, kaj plie chiujare aperos
6 milionoj da novaj laboruloj.
Nun
el la kamparaj laboruloj 38.2% havas klerecon de elementa lernejo
au iom malpli alte, 49.3% tiun de malsupera mezlernejo kaj 11.9%
tiun de supera mezlernejo, dum nur 0.6% tiun de kolegio kaj iom
pli alte, tial trejni la kamparajn laborulojn por ilin transpostenigi
estas malfacila kaj urgha tasko por Chinio.
Trejni
kamparanojn por transpostenigi ilin en urboj
|