"Bonan
tagon!"
"Bonan tagon!"
"Kiel vi fartas?"
"Bone, dankon !"
...
Ni
tiel nin salutis en Esperanto, sed tiuj ordinaraj vortoj estigis
en mi fortan emocion. Mi ne atendis, ke la junulino, kiu venis el
urbeto kaj¡ kaj trafita de ampleksigita paraplegio povas
paroli Esperante dank' al memlernado. Kiam mi diris, ke shi bone
parolas la lingvon , shi preskau saltis de sur sia rulsegho pro
ghojo. Esperanto, tiu magneta lingvo, tuj proksimigis nin unu al
la alia kiel du malnovajn amikojn, kaj ni komencis interbabili senghene.
Kompreneble, shiaj malfacilaj travivajhoj farighis la chefa temo
de nia konversacio.
HAZARDA
FALO -- DUMVIVA MALFELIChO
Shi el Shandong-provinco, Chinio, nomighas
Zhang Haidi. Shi estas 28-jara, sed malsupraj membroj paralizighis
antau 23 jaroj. Malgrau la longa turmento de la malsano, shi montrighas
energioplena kaj serena. Kun violkadraj okulvitroj sur la nazo kaj
bela hararo pendanta sur la shultroj, shi de tempo al tempo interrompis
sian rakonton per arghentaj ridoj. Kiu ja povus kredi, ke shi estas
paciento, al kiu oni faris ablacion de ses vertebroj kaj kies korpon
la malbeninda paraplegio invadis ghis la brusto, se oni ne propraokule
vidus shin senkompate katenata al shia rulsegho!
Shi
estis vigla kaj petolema knabineto. Iun tagon en 1960 shi, apenau
kvinjara, falis teren, kiam shi kuris el ludilo-chambro de infanghardeno,
kaj shiaj du gamboj tuj perdis movkapablon. Shi tute ne atendis,
ke de tiam la minaco de malsano kaj morto nedisigeble ligighos kun
shia sorto. Ekde sia sesa jaro, shi ricevis kvar grandajn kirurgiajn
operaciojn kaj spertis malfacile elteneblajn dolorojn kaj turmentojn.
Shi tamen neniam ploris nek kriis, malgrau ke iafoje pro netolerebla
doloro shi ghisshvele mordis al si la lipojn au shiris sian litkovrilon
per la dentoj. Shi venkis la malsanon per sia fera volo.
LIBROJ
-- LA FONTO DE FORTO
Depost tiam shi strikte katenighis al sia
lito. Lito kaj malgranda chambro -- shia tuta mondo. Chiufoje kiam
shi vidis tra la fenestro aliajn infanojn irantaj al lernejo kun
la shultrosako, shi elkore ilin enviis. Foje ekscitite, shi forte
batis al si la rigidajn femurojn kaj kriis kun larmoj en la okuloj:
"Mi volas iri! Mi volas viziti lernejon!"
La
forta soifo al scioj insitigis shin al memlernado. Shi kushis surventre
kaj apogis sin sur la kubutoj por fari skribadon. Tiamaniere shi
finlernis chiujn lernobjektojn de la elementa lernejo kaj mezlemejo
sur sia malgranda lito. Kompreneble, shia lernado iris pli zigzage
kaj shi elspezis pli multe da tempo tiuflanke ol sanaj infanoj.
Foje por unusola aritmetika problemo shi trovis 12 malsamajn solvojn
pro sia miskalkulo, sed anstatau deprimighi shi prenis tion kiel
provon al sia volo.
Pro
konstanta kushado aperis sur shia korpo granda areo da litulcero
kaj la infektado ofte kauzis febron. Por mildigi sian doloron shi
komencis legi literaturajn verkojn pri diversaj herooj, kiuj plivastigis
shian horizonton kaj donis al shi forton, tiel ke shi vidis antau
si esperigan mondon. Paul Korchagin, heroo en la sovetia romano
"Kiel Hardighis Shtalo", kiu neflekseble batalis kontrau
sia paralizo, forte shin impresis, kaj shi ekkomprenis, ke timinda
ne estas malsano, sed perdo de memfido kaj forto por sin progresigi,
kaj ke oni povas venki chiajn malfacilojn kaj krei al si novan felichan
vivon, se nur lia spirito ne disfalas.
INTER
VILAGhANOJ
En aprilo 1970, la tuta familio de Haidi
provizore transloghighis al vilagho malproksima de la gubernia urbo,
kie ili antaue loghis. La loghantoj tie estis malrichaj, sed bonkoraj.
Shi skribis en sia taglibro: Chi tie chiuj amike min traktas, tiel
ke mi ilin pli amas. Karaj vilaghanoj, kiel mi deziras ion fari
por vi!"
En
la vilagho estis knabeto nomata Meng Fang. Pro kompato al tiu kripla
fratino, li ofte venis shin akompani. Li foje alportis hirundon,
kiu ne povis flugis pro vundo sur la kruro. Haidi ekhavis simpation
por ghi. Shi aplikis topikon sur ghia vundita kruro, faris bandaghon
kaj bredis ghin sur la fenestrobreto. Kiam la birdo resanighis,
shi lasis ghin reflugi en la aeron. La knabeto Meng Fang ghoje diris:
"Franjo Haidi, vi resanigis la hirundon,vi ja estas kuracistino."
Tamen,
post nelonge, okazis io neatendita, kio terure skuis la animon de
Haidi: pro manko de tauga medicina kuracado la knabeto mortis de
malsano. Shi unuafoje ekkomprenis, kian malfelichon alportas la
malricheco kaj postighinteco, kaj sekve shin pikis la memriprocho:
kial mi ne lernis medicinon? Se mi estus kuracistino, la knabeto
eble ne mortus...
POR
MILDIGI LA SUFERON DE LA AMASOJ
"Mi volas lerni meldicinon por mildigis
la suferon de la amasoj, kaj por ke tragedioj kiel tiu pri la knabeto
Meng Fang neniam okazu plu en la vilagho!" - jen la forta deziro
de Haidi. Shi shparis chiujn monerojn, por acheti medicinajn librojn,
klinikan termometron, stetoskopon, manekenon kaj medikamentojn.
Shi komencis lerni akupunkturon kaj, gvidate de koncernaj libroj,
provis praktiki ghin sur sia propra korpo por sin spertigi. Shi
esplore dissekcis ranojn, kokojn, anasojn, kuniklojn ktp. En la
dauro de dekkelke da jaroj shi legis "Akupunkturo kaj Mokso",
" Antroptomio", "Fiziologio", "Malsanoj",
"Ghenerala Skizo pri Kirurgio", Manlibro de Klinika Medicino"
kaj aliajn sume pli ol dek medicinajn librojn kaj, sub la helpo
de aliaj, ellernis parton da lernolibroj de medicina instituto,
tiel ke shi nun povas kuraci iujn ordinarajn kaj ofte okazantajn
malsanojn.
Maljuna
vilaghano Geng paralizighis jam tri jarojn, rezulte de cerba trombo.
Cetere, lia edzino mortis, lasinte al li tri infanojn. La familio
vivis tre malfacile. Haidi ne nur kuracis lin per akupunkturo, sed
ankau skribis al diversaj lokoj por informighi pri taugaj kuracrimedoj.
Kiam la maljunulo ekkapablis denove piediri post periodo da kuracado,
shi tre ghojis, ke nun shi estas homo utila al la popolo.
Post
kiam disvastighis la novajho pri la resanigho de Geng, venis al
shi multe da pacientoj el najbaraj vilaghoj, iafoje ech kelkdek
en unu tago. Shia malsana vertebraro ne permesis al shi longe sidi,
kaj tial shi povis nur sin apogi sur la brakapogilo de sia segho
por praktiki al la pacientoj akupunkturon, kio ofte ghisshvite shin
lacigis. Foje shi falis en fortan febron pro lacego. Vilaghanoj
maltrankvile svarmis antau la pordo de shia loghejo por informighi
pri shia farto. Inter la popolamasoj shi, kripla knabino, neniom
sentis solecon.
AL
LABORO
Marton
1973 Haidi revenis al sia urbeto kune kun siaj gepatroj. Tiam shiaj
iamaj amikoj au laboris en fabrikoj, au lernis en altaj lernejoj,
kaj shi pensis, ke ankau shi devas serchi al si novan vojon de vivo,
anstatau chiam sin fermi en malvasta chambro.
Shi
komencis lerni pentradon. Kiam shi faris skizon kaj ghin montris
al sia amiko, tiu shin admonis: Pentristo devas teni sian paletron
per unu mano kaj sian penikon per la alia. Chu vi vere kredas, ke
vi sukcesos en tio, dum vi apenau povas vin teni en sidanta pozo?"
Shi
do turnis sin al muziko. Kiam shi ellernis bivoludon, iu onklino
diris, skuante la kapon: Chu vi foje vidis, ke aktoro prezentas
en sia rulsegho sur scenejo?"
Kion
do fari? Shi skribis al diversaj entreprenoj por peti la-boron.
Fine la gubernia hospitalo konsentis, ke shi laboru tie portempe
kiel akupunkturisto. Char shi estis fervora kaj afabla, multaj pacientoj
volonte sin turnis al shi por kuracado.
Post
taga laboro shi ofte revenis hejmen laca kaj elcherpita, ke shi
ech perdis apetiton por vespermangho. Kian malfacilon shi renkontis,
shi tamen chiam tenis en si la aspiron: laueble servi al la socio
kaj ne esti ties balasto. En la dauro de la pasintaj kelkaj jaroj
shi donis akupunkturon al pli ol dek mil pacientoj. Dank' al shia
kuracado, knabino, muta kaj surda, iom post iom reakiris parolkapablon
kaj poste farighis felicha edzino kaj patrino. Ankau alia du knaboj,
kiuj suferis de infana paralizo, ekpovis piediri post shia kuracado.
En
la jaro 1981 Haidi havis oficialan laboron en la disaudiga stacio
de la gubernio. Kia ghojo ekkaptis shin! Shia ampleksigita paraplegio
portis al shi grandan maloportunecon en shia laboro, sed shia chiam
fresha kaj neniam malfortighanta entuziasmo paligis chiujn suferojn.
Kiam shi laboris, sidante che tablo, shi provis sin teni kun la
abdomeno apogita sur tirkesto por ne gliti malsupren. Estis apenau
tolereble sidi tiamaniere por longa tempo, sed shi persistis tagon
post tago. Iuj shin demandis: "Ej, kial vi, paralizulo, tiel
laboregas kontrau kelkdek juanoj chiumonate?"
En
tiaj okazoj shi shatis respondi per la vortoj de Helen Keller, usona
verkistino blinda kaj surda: Se mi povus rigardi tri tagojn, kian
charman spektaklon mi do vidus per miaj okuloj! Sed tiuj, kies okuloj
normale funkcias, ghin neglektas. Che ili chiuj kolorrichaj grandiozaj
spektakloj en la mondo ekzistas tute nature. Shi diris, ke same
tiuj, kiuj prenas sian laboron kiel ion rutinan kaj ordinaran, ne
scias bone taksi sian rajton de laboro, sed por shi estas la plej
granda felicho ion fari por la socio kaj popolo.
LERNO
DE FREMDAJ LINGVOJ
Shi, kiu neniam vizitis lernejon, legis
grandan kvanton da libroj de la gubernia biblioteko, utiligante
la postlaborajn horojn en du jaroj. Ju pli profunde shi penetras
en sian lernon, des pli forta farighas shia deziro por akiri novajn
sciojn. Hazarda okazo instigis shin eklerni fremdajn lingvojn, kaj
shi tuj absorbighis en tio. En la dauro de kelke da jaroj shi mem
lernis la lingvojn anglan, germanan kaj japanan kaj Esperanton.
Shi
havas apartan amon por Esperanto. Foje shia patro portis hejmen
libron pri Verda Majo, internaciistino kaj fama japana esperantistino,
kiu kontribuis sian tutan vivon al la Esperanto-movado. La tutan
libron shi legis unuspire kaj estis forte kortushita. Shi decidis
lerni Esperanton, pensante, ke se shi efektive ghin ellernos, shi
do havigos al si kvazau plian paron da okuloj por observi kaj koni
la mondon. Shi lernis nian lingvon per koresponda kurso duonjare
kaj poste ghin daurigis per si mem. Shi ech kunportis la lernolibron
kiam shi iris labori. Kiam al shia hejmo venis gastoj, kiuj scias
fremdan lingvon, shi tuj sin turnis al ili por peti helpon. Por
pli bone parkerigi novajn vortojn, shi skribis ilin au sur slipojn,
kiujn shi gluis al la muro kaj librobretaro, au rekte sur la manojn
kaj brakojn. Shi ech destinis por si la taskon memori dek novajn
vortojn antau sia enlitigho chiuvespere.
La
konstanta prenado de analgeziko foje kauzis al shi drogan toksighon.
Shia spirado haltis unu horon kaj kvindek minutojn kaj shi kushis
senkonscie kvin tagojn. Kiam shi rekonsciighis, shi trovis, ke en
la urgha kuracado la kuracistoj aplikis al shi medikamenton iritantan
la centran nervan sistemon. Por konstati, chu la kuracilo difektis
shian memoron, shi tuj lernis 16 fremdlingvajn vortojn. Kaj kiam
shi trovis en la sekva tago, ke shi ilin klare memoras, shi ekridis,
char ankoraufoje shi reprenis sian rajton de lerno el la mano de
la Morto.
Post
sia kvara operacio, shi tremadis de doloro, mordante sian litkovrilon.
Kiam shi sukcesis iom sin kvietigi, shi tamen tuj petis siajn familianojn,
ke ili donu al shi libron. Tiam shi povis nur kushi surdorse, kaj
chiu moveto de la kolo tuj kauzis al shi grandan doloron. Char nenia
malkonsilo efikis, oni povis nur meti che shia kapo spegulon, dank'
al kies refekto shi atenteme eklegis fremdajn lingvojn. Chiuj cheestantaj
parencoj kaj amikoj estis ghislarme kortushitaj de shia nefleksebla
karaktero. Shi chiam diris: Mi nepre lernos kaj laboros, mi nepre
batalos kontrau la malsano, nur se mia koro batos. Mi kredas, ke
mi estos venkanto."
ShI
SIMILAS AL MAGNETO
Post
kiam shi paralizighis, ne nur shiaj familianoj pacience shin flegas,
sed ankau la socio turnas al shi sian prizorgon, kiu aparte shin
kortushas. Kiam shi estis en hospitalo, flegistinoj helpis shin
en lavado kaj kombado, ech shin trinkigis kaj manghigis. En liberaj
tagoj shiaj bonkoraj amikoj venis kaj per shia rulsegho veturigis
shin al parko au kinejo. Dum pli ol unu jaro iu onklo veturis chirkau
15 kilometrojn chiutage por fari al shi akupunkturon kaj masaghon.
Shia
hejmo farighis plej vigla angulo de la loko. Shi kvazau magneto
altiras al si multe da junaj laboristoj, lernantoj, instruistoj,
kuracistoj kaj aktoroj. Ili senghene babilas, kantas, lernas kaj
diskutas che shi, kiel intimaj gefratoj el unu familio.
En
1983 la Centra Komitato de la Komunista Junulara Ligo de Chinio
honoris shin per la titolo "Eminenta Membro de KJL" kaj
alvokis la gejunulojn de Chinio lerni de shi la senegoisman sindonemon.
Post kiam jhurnaloj kaj gazetoj de diversaj lokoj sinsekve raportis
pri shiaj agoj, kiuj forte tushas la koron de gejunuloj, shi ricevis
de ili pli ol 6000 entuziasmajn leterojn, kaj shiaj amikoj nun pli
kaj pli multighas.
Revizito
al Zhang Haidi
|