Verspere de la 1-a de septembro, malrapide estingighis la fajro de la 21-a Monda Universitata Sportkunveno, lumanta 11 tagojn en la Pekina Laborista Stadiono. Chinio sukcese gastigis la unuan internacian sportkunvenon en la nova jarcento per siaj propraj manieroj de la granda lando kun 5000-jara historio.

    La ferman ceremonion cheestis Li Lanqing, vicchefministro de la China Shtata Konsilantaro, George Killian, prezidanto de la Internacia Federacio de Universitata Sporto, Liu Qi, prezidanto de la organiza komitato de la 21-a Monda Universitata Sportkunveno kaj urbestro de Pekino, kaj aliaj gravaj personoj.

    G. Killian faris ferman paroladon kaj proklamis fermon de la 21-a Monda Universitata Sportkunveno. En la nomo de la Internacia Federacio de Universitata Sporto, li esprimis koran dankon al chiuj sportistoj, trejnistoj, jughistoj kaj organizantoj de la kunveno. Li diris: "Vi estas steloj de la Universitata Sportkunveno. Via senlaca penado faris la sportkunvenon plej bona en la historio de la universitata sportkunveno." Li dankis ankau la 46 mil volontulojn de la sportkunveno kaj la popolon de Pekino kaj la tuta Chinio pro ilia subteno al la sportkunveno.

    La sportkunvenon partoprenis 6800 sportistoj, trejnistoj kaj oficistoj el 169 landoj kaj regionoj, kio kreis rekordon en la historio de la universitata sportkunveno. Ili intershanghis sportajn teknikojn en 12 sportoj kaj profundigis amikecon inter si. En la 168 finaj konkursoj naskighis 171 oraj medaloj. En la nagha kaj atletika disciplinoj 20 sportistoj kaj 3 teamoj rompis 21 rekordojn de la universitataj sportkunvenoj kaj unu sportisto kreis la plej bonan rezulton. La china teamo okupis la unuan lokon per 54 oraj, 25 arghentaj kaj 24 kupraj medaloj. Tio estas la plej bona sukceso akirita de Chinio en la universitataj sportkunvenoj. Usono, kiu gajnis 21 orajn, 13 arghentajn kaj 13 kuprajn medalojn; Rusio, kiu gajnis 14 orajn, 19 arghentajn kaj 20 kuprajn medalojn; Japanio, kiu gajnis 14 orajn, 14 arghentajn kaj 25 kuprajn medalojn; Ukrainio, kiu gajnis 13 orajn, 14 arghentajn kaj 7 kuprajn medalojn; kaj Italio, kiu gajnis 8 orajn, 8 arghentajn kaj 6 kuprajn medalojn, okupis la 2-an, 3-an, 4-an, 5-an kaj 6-an lokojn respektive.

    Ghuste kiel oni antauvidis, la Pekina Universitata Sportkunveno estis sukcesa provo de la Olimpikoj en 2008. Ghi montris al la tuta mondo, ke Pekino estas kapabla bone gastigi la Olimpikojn. Pekino atendas lumighon de la Olimpika fajro en 2008.