He Zhenliang kaj Olimpikoj

    La chinoj neniam forgesos la 13-an de julio 2001, char en tiu tago Chinio sukcesis en invito de la Olimpikoj de 2008 en Pekino.

    Tiam ne povis sin deteni de larmoj iu maljunulo. Li estas He Zhenliang, gvidanto de raportado de la Pekina Delegacio por Inviti la Olimpikojn en 2001. Neniu povas forgesi lian paroladon en la raportada kunveno. Li diris: "Kiu ajn elekto estos farita hodiau, ghi kreos historion. Sed la historion povas shanghi nur unu decido, kiu enkondukos Olimpikojn en la landon kun plej granda loghantaro unuafoje en la historio de Olimpikoj.Tiam chinoj servos al la Olimpikoj per siaj kreivo kaj sindedicho. La decido momente diskonighos tra la mondo, ghi signifas komencon de nova jarcento kaj unuigho de la terglobo." Lia parolado profunde kortushis personojn zorgantajn pri Olimpikoj.

    He Zhenliang estas la unua chino, kiu havas gravan oficon en la Internacia Olimpika Komitato (IOK). Liaj influo, sperto kaj lingva nivelo havas grandan reputacion. Por inviti la Olimpikojn al Pekino li dedichis sian tutan energion. La sukceso malfacile akirebla estas la plej alta laudo al la maljunulo.

    He Zhenliang konigis la Olimpikojn al Chinio kaj kunligis Chinion kun la Olimpikoj. Kiam la nacia flago de Chinio estis hisita en la Olimpika sportejo, nereteneblaj larmoj fluis el liaj okuloj; kiam li pendigis la oran medalon sur la kolo de china sportisto, li konsciis la valoron de Chinio en la Olimpikoj.

    Dum sia laborado en IOK He Zhenliang chiam propagandis chinajn kulturon kaj filozofion pavimante vojon por pekina invito de Olimpikoj. Antau la pekina invito de Olimpikoj en 1993 li vizitis diversajn landojn propagandante Pekinon kaj la Olimpikojn tra la mondo. Por tio li flugis entute 16-foje chirkau la terglobo. Lia prediko pri Pekina invito de Olimpikoj altigis reputacion de Chinio en la mondo. Kvankam Pekino ne sukcesis en 1993 kaj s-ro He tre malghojis, tamen li kun rideto gratulis Australion pro ghia sukceso kaj kurahgigis siajn kolegojn per spirito de la Olimpikoj.

    Post la malsukceso en 1993 He Zhenliang pli multe klopodis por Pekina invito de Olimpikoj. Li shatis tenison kaj librolegadon, tamen li ne tushis ilin en la pasinta unu jaro; li malsanighis, tamen li ne havis tempon por viziti kuraciston; antau la pekina invito de Olimpikoj li ech ne dormis antau meznokto.

    Pri la shanghighoj de Pekino en la pasintaj 8 jaroj He Zhenliang diris: "En tiuj jaroj la ekonomio, vivnivelo, trafiko kaj medio de Pekino plibonighis senprecedente kaj ankau ghia reputacio altighis internacie. Dum la chi-foja invitado la pekina delegacio montrighis pli faka kaj pli matura kaj la membroj de la delegacio chiam tenis kvietan animstaton. Chinoj disvolvis la Olimpikan spiriton de justa konkuro kaj reciproka respekto. Komitatanoj subtenintaj Chinion persistis en sia elekto kaj tiuj nesubtenintaj Chinion shanghis sian decidon. La sukceso de Pekino montras, ke la mondo donis konfidon al Chinio. Chinio akiris pluajn respekton, konfidon kaj favoron de la internacia socio.

    He Zhenliang faris grandegajn kontribuojn al la pekina invito de la Olimpikoj de 2008 kaj rekompence la shtato donis al li la medalon de dumviva honoro. Sed li diris: "Nenion mi postulas pro la sukcesa invito de la Olimpikoj. Estos granda plezuro kaj kontento, ke mi povas vidi la Olimpikojn okazontajn en Chinio.

    Kiel plenuma komitatano de IOK, He Zhenliang havas du dezirojn, kiujn li daure klopodos por realigi: Makao membrighu al IOK; ushu-o, tradicia china sporto, alighu al la Olimpikoj.