En tiu fina stadio kun soldatoj, sur la shaktabulo restas nur soldatoj kiel atakantoj.
    

    En la bildo 1, la rugha partio povas venki tute egale, kiu movas shakpecon la unua. La metodo estas jena: Kiam la nigra partio movas la nigran gvardianon malantauen, la rugha soldato movighas antauen al la flanko sen gvardiano.
    

    En la bildo 2, la forto de la rugha partio estas malpli granda ol tiu de la nigra, sed la rugha partio povas egaligi la ludon. La konkretaj pashoj estas jenaj: La rugha soldato movighas de la 6-a linio al la 5-a, la nigra chefgeneralo movighas de la 5-a al la 6-a; la soldato movighas de la 5-a al la 6-a, la chefgeneralo movighas de la 6-a al la 5-a; la soldato movighas denove de la 6-a al la 5-a kaj la chefgeneralo -- de la 5-a al la 6-a; la soldato removighas de la 5-a al la 6-a. La rugha partio egaligas la ludon per unu shakiga pasho kaj unu senfara.
    

    En la bildo 3, havante malpli superan forton ol la nigra, la rugha partio povas ankorau egaligi la ludon. Ghi la unua faras movon kaj retiras malantauen la gvardianon de la 5-a linio al la 4-a, la nigra chevalo retirighas malantauen de la 3-a al la 5-a; la rugha soldato sur la 4-a linio movighas unu pashon antauen, la nigra chevalo movighas antauen de la 5-a linio al la 7-a kaj shakigas la rughan chefgeneralon; la lasta movighas de la 4-a linio unu pashon antauen, la nigra chevalo -- de la 7-a linio antauen al la 8-a kaj refoje shakigas la rughan chefgeneralon, kiu sur la 4-a linio retirighas unu pashon kaj la nigra chevalo -- de la 8-a linio al la 9-a; la rugha soldato sur la 4-a linio movighas unu pashon antauen kaj la nigra chevalo -- de la 9-a linio al la 7-a; la rugha soldato movighas dekstren de la 4-a linio al la 3-a kaj la rugha gvardiano -- de la 4-a linio al la palaca centro, la nigra partio ne povas fari mortigan atakon. Se la nigra soldato kaptas la rughan gvardianon, ankau ghi ne povas fari mortigan atakon. Char ambau partioj ne povas venki unu la alian, tial ili pacighas.
    

    En la bildo 4, la tri soldatoj de la rugha partio batalas kontrau la kompletaj nigraj gvardianoj kaj elefantoj, ili ambauflanke baras al la elefantoj la vojojn kaj fine venkas, kaptinte la du nigrajn gvardianojn per ofero de unu soldato. La konkretaj movoj estas jenaj: La rugha soldato sur la 7-a linio movighas unu pashon antauen kaj la nigra gvardiano tion faras de la 5-a linio al la 4-a; la rugha chefgeneralo movighas dekstren de la 5-a linio al la 4-a, la nigra gvardiano movighas antauen de la 6-a linio al la 5-a; la rugha soldato movighas dekstren de la 6-a linio al la 5-a kaj kaptas la nigran gvardianon, la nigra gvardiano retirighas de la 4-a linio al la 5-a kaj kaptas la rughan soldaton; la rugha soldato movighas dekstren de la 7-a linio al la 6-a, la nigra gvardiano movighas antauen de la 5-a linio al la 6-a; la rugha chefgeneralo movighas maldekstren de la 4-a linio al la 5-a, la nigra elefanto movighas antauen de la 1-a linio al la 3-a; la rugha chefgeneralo movighas maldekstren de la 5-a linio al la 6-a, la nigra gvardiano retirighas de la 6-a linio al la 5-a; la rugha soldato movighas dekstren de la 6-a linio al la 5-a, kaptas la nigran gvardianon kaj faras mortigan shakigon al la nigra chefgeneralo.