Lau informoj de la China Akademio de Sciencoj kaj China Shtata Buroo de Historiaj Objektoj, nano-materialoj produktitaj de la nano-materiala laboratorio de la Nordokcidenta Universitato sub la China Akademio de Sciencoj estos uzataj por protekto de la terakota legio de Qin-dinastio en Shaanxi-provinco kontrau atako de shimoj.

    Tio estas nova teknologio post naskigho de informadiko kaj genologia inghenierio. Per tiu teknologio oni povas manipuli apartajn atomojn kaj molekulojn por krei novajn materialojn kun apartaj funkcioj en la kampo de miliardono da metro (t.e. unu nano). Zu Yong, estro de la Nanomateriala Instituto de la Nordokcidenta Universitato, diris: "Ni trovis en la esploro, ke oni povas fari travideblan gluon el nove faritaj nanomaterialoj, kombinante solon kaj ghelon, kaj per ghi shmiri la historiajn objektojn, tiel estighos neorganika membrano, kiu komplete izolos la historiajn objektojn de la ekstera medio. Tio tre utilas al la longatempa protektado de la objektoj."

    La terakota legio de Qin-dinastio elterigita en 1974 estas unu el la gravaj arkeologiaj malkovroj de la mondo en la 20-a jc. Char la taugaj humideco kaj temperaturo en la kavoj estas utilaj al la shimoj, tial la argilaj figuroj kun brilaj koloroj che la elterigho jam senkolorighis pro shanghigho de la medio kaj atako de la shimoj. La arkeologia prifosado montris, ke en la mauzoleo estas 8000 argilaj figuroj, el kiuj nur 1000 elterighis. La eksponataj figuroj estas plejparte makulaj kaj grizaj, rigardate de malproksime. Shimoj jam farighis "kancerigaj" por la tieaj argilaj figuroj. Oni trovis pli ol 40 specojn da shimoj sur la tiuj figuroj.

   Fakuloj diris: "Nano-materialoj, kiuj asimilas ultraviolajn radiojn, povas preventi atakon de shimoj, senkolorighon kaj putrighon de objektoj." Ili estas utilaj ankau por malpliigi la malutilajn gasojn en la aero. Oni diris, ke tiu neorganika membrano el nano-materialoj estas utila por protekti ne nur argilajn objektojn, sed ankau silkajhojn kaj paperajn objektojn.

    S-ro Wu Yongqi, direktoro de la Muzeo de la Terakota Legio de Qin-dinastio, diris, ke por chinaj arkeologoj estas grava problemo bone protekti la terakotan legion de Qin-dinastio. En la pasintaj pli ol 20 jaroj chinaj arkeologoj atingis grandan sukceson en prifosadode argilaj figuroj, tamen malmulte sukcesis en la laboro kontrau la shimoj. Li diris ankau: "Utiligo de la nova teknologio estas utila por realigi la deziron de la chinaj arkeologoj longatempe konservi la belajn kolorojn de la figuroj de la terakota legio de Qin-dinastio."

Rilataj artikoloj:

"Argilaj militistoj kaj chevaloj: Gvardio de la Unua Imperiestro de Qin-dinastio" el la artikolo "Historiaj signoj"