Pekino estas la chefurbo de Chinio kaj unu
el la charmaj metropoloj en orienta Azio. En la lastaj jaroj pli
kaj pli da okcidentanoj vizitis Pekinon, kiu farighis fenestro de
diverslandaj amikoj por koni Chinion. Por faciligi al ili loghadon,
manghadon, achetadon kaj turismon en la urbo pekinanoj ne nur plibonigas
turismajn instalajhojn, sed ankau donas diversajn bonajn servojn.
Kiom
da aferoj vi povas fari kun 100 euroj en Pekino? Nun vi vojaghu
al Pekino kun 100 euroj...
Post
via atingo de la Pekina Internacia Flughaveno vi unue bezonas monshanghon.
En la flughaveno estas gicheto por monshangho, kie 100 euroj egalas
ch. 900 juanojn (RMB). La Banko de Chinio kaj monshanghejo de hoteloj
donas rilatan servon je simila tarifo.
Forlasinte
la flughavenon, vi povas facile preni taksion au navedan buson en
chiu 20-a minuto. En Pekino trovighas 3 specoj de taksioj postulantaj
respektive 0.13 , 0.17 kaj 0.22 euro por chiu kilometro,
kaj la prezoj estas indikitaj sur fenestro de la taksioj. Inter
la flughaveno kaj Sanyuan-ponto estas rapida shoseo de 18 kilometroj,
tra kiu oni devas pagi ch. 1 euro. Por atingi nian kongresejon por
2004 au najbarajn hotelojn oni devas pagi ch. 5 eurojn por taksio
kaj 2 eurojn por naveda buso. Lau la linio de flughavena naveda
buso estas haltejoj che lokoj, kie
oni povas shanghi la buson au trovi staciojn de subtera fervojo.
Por ordinara buso oni pagas ch.0.15 euro kaj por la klimatizita
0.22-1euron. En Pekino trovighas 2 linioj de subteraj fervojoj,
ronda kaj rekta. En la stacioj Fuxingmen kaj Jianguomen krucighas
la 2 linioj kaj la veturkosto estas 0.33 euro por chiu pasaghero.
En Xizhimen-stacio oni povas disponi metroon kaj la veturkosto estas
0.5 euro.
En
Pekino pli ol 500 hoteloj servas al alilandanoj. Wangfu-hotelo kaj
Guibinlou-hotelo apartenas al la hoteloj de 5 steloj, kiuj havas
luksajn instalajhojn kaj donas bonan servon kaj kie oni devas pagi
ch. 70-80 eurojn por unu lito en norma chambro por unu nokto, en
Xindadu-hotelo de 4 steloj 40-70 eurojn kaj en Debao-hotelo de 3
steloj 20-40 eurojn.
Tiuj
hoteloj donas senpagan matenmanghon, kaj en famaj restoracioj oni
povas ghui tradician matenmanghon (ch. 1 euro). En la fama Quanjude-restoracio
oni povas manghi rostitan pekinan anason kontrau ch. 15 euroj kaj
ankau en Donglaishun-restoracio brogitan shafajon kontrau ch. 15
euroj. En Pekino oni povas trovi diversnivelajn kaj diversgustajn
restoraciojn. Kompreneble chie en la urbo trovighas mondfamaj chenrapidmanghejoj:
McDonalds kaj chenkokajh-fritejo KFC, kie oni povas manghi burgeron
(1 euro); krome oni povas ghui japanajn manghajhojn en rotacia restoracio
(pli ol 10 euroj por unu persono), frandi korestilan rostitan viandon
(pli ol 10 euroj por unu persono) kaj brazilstilan rostitan viandon
(pli ol 5 euroj por unu persono). Fakte en memserva restoracio oni
povas ghui ne nur chinstilajn manghajhojn, sed ankau okcidentstilajn
kukojn ( 6-15 euroj por unu persono). Vespere oni povas au ghui
teon en china tetrinkejo legante kaj babilante ( 1-10 euroj), au
malstrechighi en bufedejo kaj kafejo (prezo de taso da kafo: 1-10
euroj; prezo de ladskatolo da biero: 0.5-5 euroj).
Achetado
estas alia grava parto de vizito en Pekino. En Pekino trovighas
pluraj prosperaj komercaj stratoj kaj famaj magazenoj, ekz. la stratoj
Wangfujing, Xidan kaj Qianmen kaj la magazenoj Xindong'an, Chang'an
kaj Landao. La butikuma tempo dauras somere de 9:00 ghis 21:00 au
22:00. Tie oni povas acheti lokajn produktajhojn, ekz. klozoneajhoj
(50-500 euroj por unu) kaj silkaj vestoj (10-200 euroj por unu).
Krome
oni trovas en Pekino ankau multajn amuzejojn kaj sportejojn, ekz.
naghejo (3-10 euroj por unu persono) kaj bovling-ludejo (1-10 euroj
por unu fojo). Chiusemajne okazas koncerto en la Pekina Koncertejo
au Baoli-domego (prezo: 10-100 euroj por unu persono). En la Pekina
Teatro en china stilo oni povas ghui la pekinan operon (prezo: 10-80
euroj).
Menciindas,
ke por faciligi telekomunikon de alilandaj turistoj en Pekino, hoteloj
servas al ili per la telefonaj lineoj IDD (al aliaj landoj kaj regionoj)
kaj DDD (al diversaj lokoj de Chinio), kaj tristelaj kaj pli luksaj
hoteloj postulas servokoston je 10% kaj kvarstelaj kaj kvinstelaj
hoteloj je 15%. Chie en Pekino trovighas telefonbudoj funkciigataj
per aparta IC-karto, kiu estas achetebla en la Telekomunika Servocentro
kontrau 3.4, 5.6, 11.1 euroj. En Chinio la sendokosto por unu letero
estas 0.09 euro, sed por sendi leteron al aliaj landoj oni devas
pagi laudistance.
Prezo
de chiutagaj vivbezonajhoj:
kokakolo
0.38 - 1 euro
minerala akvo 0.11 - 0.33 euro
tujspagetoj 0.16-0.55 euro
china biero 0.22-0.55 euro
importita biero 0.55-1 euro
|