Kiam nia vojagho por serchi Shangrila baldau finighos, ni venis al la paralelejo de la tri riveroj. Je la unua vido mi estis fascinita de la imponeco de la kanjono Tigro-salto.

    La kanjono, 107 km sudoriente de Zhongdian, faras miraklan pejzaghon sur Jinsha-rivero, kiu en tiu parto estas krampita de la neghmontoj Yulong kaj Haba. Geologia materialo diras, ke la kanjono formighis pro tio, ke Yulong-neghmonto grandskale altighis dum la rivero Jinsha forte mallevighis. En la centro de la plej mallargha parto de la rivero elstaras granda roko pli ol dek metrojn alta, al ghi la fluo sin jhetas tondrante. Rakonto diras, ke helpe de la roko tigro transsaltis la kanjonon, tial ghi ricevis la nomon Tigro-salto. La kanjono, 16 km longa, dividighis en tri partojn, nome la supran, mezan kaj malsupran. La diferenco de akvoniveloj inter la partoj supra kaj malsupra estas 214 metroj, kaj tiu de la marniveloj inter la kanjono kaj la pinto de la neghmontoj estas 3900 metroj.

    Ni malsupreniris lau shtona vojeto, kiu antaue estis uzata de karavanoj komercantaj pri teo kaj chevalo inter Tibeto kaj landinterno. Survoje ni ja renkontis karavanon, por iri kiel eble plej proksime al la rivero ni devis malsuprenighi lau rokoj. Mi strikte altenighis sur rokoj kaj atente movis mian korpon. Post penado fine mi rajdis sur roko proksima de la roko menciita en la supra alineo. Sub mi ondoj alte levighis tondrante, kvazau la tero tremus. Mi stringis ghin per la gamboj, kaj la pantalono tute malsekighis de akvo. Mia koro forte batis, kaj kun okuloj malfermitaj mi ne kuraghis movi min. Post kelkaj minutoj mi trankvilighis kaj elprenis fotilon el mia sako. Kun unu mano firme kaptanta la rokon mi ekfotis per la alia. Mi povis diri, ke shajne mi ne fotis, sed spertis spektaklon kun animskua imponeco per mia vivo.

Revenu