La vilao konsistas el la palacoj kaj ghardenoj. En la palaca areo
estas 4 grupoj da konstruajhoj, kaj la chefa el ili inkluzivas 9
kortojn unu post alia. La unuaj kortoj estis kortego kaj la aliaj
estis loghejoj de imperiestroj kaj iliaj familioj. La chefa halo
estis konstruita el valorega nanmu-ligno, kaj tie okazis gravaj
ceremonioj. Malantau tiu halo estas pluraj domoj, kie imperiestroj
traktis shtatajn aferojn, legis kaj loghis. Tie estas kvinspana
domo kun titolo "Agrablo de Nebulo". En l860, kiam la
Brita-Franca Alianca Armeo trudighis en Pekinon, imperiestro Xianfeng
fughis al la vilao kaj en tiu domo subskribis kelkajn naciperfidajn
traktatojn.
La elita parto de la ghardena areo lokighas che la lago. Imperiestro
Kangxi diris, ke la natura pejzagho de la vilao superis tiun de
la Okcidenta Lago en Hangzhou. La lago de la vilao ne estas granda,
sed en la lago elstaras du insuletoj interligitaj per digoj. La
lago estas borderita de prosperaj verdajhoj, kaj la chefaj pitoreskaj
konstruajhoj dislokighas chirkau la lago.
La konstruajhoj estis faritaj imite al la famaj vidindajhoj en Yangzi-delto.
Sur la insuletoj Ruyizhou kaj Yuesejiangsheng estas po grupo da
konstruajhoj. Sur Ruyizhou estas rokajho, laubo, halo, templo kaj
baseno. Ghi estas la centro de la ghardena areo. Yuesejiangsheng
konsistas el delikata domo kun kvadrata korto kaj kelke da kioskoj
kaj haloj. Kiam la luno levighas super la Orientan Monton, la arghenta
lunlumo shutighas sur la spegulan lagon, kaj agrabla kvieto regas
en la vilao, kaj oni povas audi nur plaudon de la akvo de la lago.
La
ebenajha areo konsistas el herbejoj kaj arbaroj. Antaue tie estis
Dekmil-arba Ghardeno, en kiu staris 28 jurtoj en malsamaj grandecoj.
La plej granda el ili havis la diametron de 24 metroj kaj servis
kiel provizora palaco de imperiestroj. Imperiestro Qianlong ofte
akceptis tie princojn de nacimalplimultoj, religiajn gvidantojn
kaj fremdlandajn senditojn.
La
Eksteraj Ok Temploj
|