Post la finkonstruo de la vilao en 1708, imperiestroj senescepte pasigis someron en la vilao. Tiam lamaismo furoris en Tibeto kaj Mongolio, kaj la estroj de la nacimalplimultoj kaj fremdlandaj senditoj ofte venis al Chengde por viziti imperiestron au cheesti ceremoniojn. Pro tio la registaro de Qing-dinastio konstruis en Chengde multajn templojn por la religia aktivado de la altrangaj politikistoj kaj religiuloj. Dum 1711-1828 la registaro konstruis 43 templojn en kaj ekster Chengde kaj 8 el ili ghuas famon.

    En la Someruma Vilao, chu grandiozaj palacaj domoj chu kioskoj, palafitoj, pavilonoj k.s., chiuj estis konstruitaj el grizaj brikoj kaj tegoloj, kio elspiras naturecon kaj lakonecon de la arkitekturo. Sed la Eksteraj Ok Temploj estis tegmentitaj per kolore glazuritaj tegoloj kaj iuj ech per orumitaj tegoloj, kio sufiche montris imperiestran luksemon.

    Por flati imperiestron Kangxi (1662-1723 sur trono), la mandarenoj de Chengde plenenergie konstruis templojn. Ghis antau 100 jaroj en kaj ekster Chengde trovighis 80 temploj konstruitaj de registaroj au popolanoj. Krome en la vilao estis 43 temploj administrataj de la kortego. Tiam la temploj chiam estis plenplenaj de piaj vizitantoj. Sed bedaurinde nun restas nur triono de tiuj temploj.

Antikvaj konstruajhoj de la vilao