Leifeng-pagodo, che la Okcidenta Lago de Hangzhou, Zhejiang-provinco, alinome Huangfei-pagodo kaj Xiguan-pagodo, estis konstruita en la jaro 975, kiam s-ino Huang naskis bebon por sia edzo Qian Chu, la regho de la Regno Wuyue. Por celebri tion li starigis tiun 7-etaghan pagodon kun altlevitaj tegmentrandoj. En la dinastioj Norda Song kaj Qing ghi dufoje difektighis dum militoj. Che sunsubiro ghia charma figuro, kunfandighanta kun montoj chirkauaj, kaj la Okcidenta Lago formis belan bildon - Leifeng che sunsubiro, unu el la dek belaj pejzaghoj de la Okcidenta Lago.

    En lasta periodo de Qing-dinastio disvastighis onidiro, ke la brikoj de la pagodo povas forpeli chian malbonon, tial pli kaj pli da homoj shtelis la brikojn. En la 25-a de septembro 1924, la pagodo disfalis. Nun restas nur ghia ruino. En la "Rakonto pri Blanka Serpento-virino" bonzo Fahai premis la belan Blankan Serpento-virinon sub la pagodo.