Che Yalong-golfo de Hainan-insulo en suda Chinio trovighas Papilia Valo, kie papilioj altiras turistojn per siaj multeco, rareco kaj beleco.
    En la valo centojn da metroj profunda prosperas antikvaj arboj, disfloras sovaghaj floroj, murmuras riveretoj kaj flirtas sennombraj papilioj.
    Enirinte en la Papilian Valon, oni vidas muzeon de insektaj specimenoj, kie estas eksponejo de papilioj. Oni nomas papiliojn "flugantaj floroj". Artistoj kaj verkistoj laudas ilian belecon en siaj verkoj. Sed inter diversaj papilioj en la eksponejo estas ankau fiinsektoj damaghantaj plantojn, kiel papilioj rubandaj, blankaj kaj smeraldaj.
    Tie estas ekspoziciataj "Aleksanda Papilio", la plej granda en la mondo. Komence oni mispafis ghin kiel birdon, char ghiaj etenditaj flugiloj longas pli ol 26 cm. En Afriko trovighas papilio nomata "Venena Grandegulo", kiu havas rughajn flugilojn 25 cm longajn, per kiuj ghi povas defendi sin kontrau fringo, lacerto kaj aliaj malamikoj. Chinio havas sian plej grandan papilion "Flava Belulino" kun flugiloj 16-20 cm longaj. En Chinio, Sudorienta Azio kaj Hinda Duoninsulo vivas tiaj papilioj, kies larvoj shatas manghi venenajn semojn de plantoj kaj la veneno en ilia korpo timigas ech sagacajn birdojn.
    En la mondo trovighas ankau malgrandaj grizaj papilioj kun flugiloj 1-2 cm longaj, el kiuj la plej malgranda estas nomata papilio kun duoble faldeblaj palpebroj, kiu havas flugilojn nur unu cm longajn. Krome en vegetara familio estas griza papilio, kiu tamen manghas afidon kaj konkulon damaghantajn plantojn.
    La ormakula papilio estas rara en la mondo. Ghi havas flugilojn 11.5 cm longajn kaj korpon 3.1 cm longan, plenplenan de verda pulvoro. Du oraj makuloj estas inkrustitaj sur ghiaj postaj flugiloj, kaj sur ghia vosto pendas bela rubando longa kaj mallargha. Tiaj papilioj devenis de Guangdong- kaj Fujian-provincoj. En la fino de la 80-aj jaroj de la 20-a jarcento trovighis 7 en Chinio kaj 2 en aliaj landoj.
    En la mondo de insektoj oni nomas velkfolian papilion "Kamufla Majstro", kiu per protekta koloro evitas dangheron kaj okupas sian lokon en la naturo.
    En multaj landoj estas homoj, kiuj kontrauleghe kaptas kaj shtele eksportas rarajn papiliojn. Por solvi la krizon de papilioj, Londono konstruis la unuan papilian ghardenon en la 80-aj jaroj de la 20-a jarcento. Poste similaj ghardenoj estis starigitaj unu post alia en Japanio, Singapuro, Malajzio, Usono kaj Taiwan de Chinio. Ili akcelas la progreson de la papilia industrio.

Rilata materialo:

Fluganta floro -- papilio