Unua-pagho>> Turismo >> Vidindaj lokoj

 

 


 

 

Fluganta floro -- papilio

de LIU BIAN
    Papilio havas korpon sveltan kaj flugilojn grandajn kaj belajn kaj suchas nektaron. Antaue la papilio kaj la noktpapilio apartenis al la sama kategorio. Nun oni distingas ilin ? la papilio kun senhara korpo kaj pinglformaj antenoj kaj la noktpapilio kun hara korpo kaj plumformaj antenoj.
    Papilioj aperis en la mondo antau 60 milionoj da jaroj kaj dissemighis vaste, ech en lokoj 6000 metrojn super la marnivelo kaj inter la suda kaj norda latitudoj de 83¡ã. Ili havas ch. 16000 speciojn de 12 familioj. La baseno de Amazono abundas je papilioj, ankau Sudorienta Azio kaj Hengduan-montaro de Chinio havas multajn papiliojn. En Chinio estas konitaj 1853 specioj (dekono kiom en la mondo), inter kiuj pli ol 700 estas en Yunnan-provinco.
    Papilioj ne nur havas belan aspekton, sed ankau misteran funkcion: ili havas grandan interesan okulparon, kiu konsistas el pli ol 15 mil okuloj, kaj povas jughi guston de manghajho per piedoj. Iuj ech povas stari senmove en la aero, aliaj povas reguligi sian temperaturon per shanghigho de pulvora pozicio sur la flugiloj, kaj triaj povas deteni kreskon de eventuala veneno en la korpo dank' al mangho de kokaino.
    En la pasintaj jaroj papilioj iom post iom farighis unu el la gravaj internaciaj komercajhoj. En iuj lokoj de Chinio kamparanoj disvolvas la papilian industrion investitan de la registaro kaj ech konstruas ekologiajn rezervejojn por diskonigi papiliojn kaj altigi la konscion pri mediprotekto.