Pro disvolvigho de bioscienco kaj furoro de reveno en la naturon la china medicino kaj chinaj medicinajhoj estos multe atentataj de la medicinista rondo de la tuta mondo. Movate de la biologia teknologio la tradiciaj chinaj medicinajhoj rapide shanghighos en la modernajn, kio prezentos belan perspektivon.

    En la Okcidenta Europo la china medicino kaj chinaj medicinajhoj estas envicigitaj en la asekura sistemo. En Usono oni bezonas pli kaj pli multe da chinaj medicinajhoj. La Usona Administra Buroo de Nutrajhoj kaj Medicinajhoj verkis "Gvidilon pri naturaj medicinajhoj". Post ghia publikigho la chinaj medicinajhoj, antaue neglektataj, nun estas multe atentataj. La Monda San-Organizo opinias, ke chin-medicinaj medikamentoj estas tre bonaj inter la tradiciaj medikamentoj de la mondo, kaj rekomendas ilin al chiuj landoj.

    Nun la internacia droga merkato chiujare vendas kuracilojn valorantajn 27 miliardojn da usonaj dolaroj. En la mondo 170 kompanioj kaj 40 institutoj sin okupas pri esplorado kaj fabrikado de tradiciaj kuraciloj. Oni disvolvas la tradiciajn kuracilojn per moderna teknologio por okupi la internacian merkaton de drogherboj. La Korsava Granolo de Japanio kaj Sedativa Boluso el Bova Gal-kalkuluso de Koreio estas bonaj ekzemploj kaj havas grandan debiton. Nun en la internacia merkato la jara vendovaloro de drogherboj superas 16 miliardojn da usonaj dolaroj kaj kreskas chiujare je 10%.

    Chinio kun abundo da naturaj kuraciloj estas lulilo de la chin-medicinaj drogherboj. Lau statistiko Chinio havas 11146 specojn da herbodrogoj, 1581 specojn da animalaj kuraciloj kaj 80 specojn da mineralaj kuraciloj. En la longatempa kuraca praktiko formighis teorio de apliko de naturaj kuraciloj kaj richa sperto pri prevento kaj kuraco de malsanoj. Malgrau ke la chin-medicinaj medikamentoj havas superecon de fontoj kaj grandan merkaton, ilia produktovaloro konsistigas nur 3% de tiu de la tuta mondo.

    Vizaghe al la nuna situacio iuj entreprenoj de Chinio nun energie serchas la vojon de disvolvigho. Jam en la mezo de la 90-aj jaroj Jilin-provinco proponis modernigon de la chin-medicinaj medikamentoj kaj alvokis esplori kaj disvolvi modernajn chin-medicinajn medikamentojn konformajn al la sciencaj principoj surbaze de heredo kaj disvolvo de la favoraj kondichoj kaj trajtoj de la chin-medicinaj drogoj kaj plene utiligi modernajn sciencojn, lau la internacia kriterio en la praktiko. Dank' al longa penado nun ghi jam havas modelon por studi kaj disvolvi modernajn medikamentojn surbaze de la kompleta chin-medicina inghenierio kun altteknologiaj produktajhoj kiel la chefaj.

Rilata artikolo:
Chinio asignos grandan monsumon por bioteknologio