La 21-an de novembro, 2002, la Scienc-teknika Ministerio de Chinio kaj la China Akademio de Sciencoj deklaris en Shanhajo, ke chinaj sciencistoj plenumis la taskon precize mezuri la kromosomon n-ro 4 kaj per tio efektivigis 10% de la internacia plano pri riza genaro. Nun la donitajhoj akiritaj de la preciza mezurado jam transdonighis al la banko de la internaciaj publikaj donitajhoj. Tio signifas, ke la fruktoj akiritaj de la chinaj sciencistoj povas esti utiligataj de la tuta mondo.

    Respondeculo de la specialista grupo pri la mezurado de la China Akademio de Sciencoj informis, ke la mezurado de la kromosomo n-ro 4 komencighis aprile de 2001, kaj krom tio oni mezuris ankau la kromosomon n-ro 4 de alispeca rizo kaj raportis la komunecon kaj diferencon de la du specoj de rizo en la gena konsisto, ordo kaj vico de desoksiribonukleata acido, malkovris la rilaton inter ili. Tiuj donitajhoj faris bonan ekzemplon por kompari iliajn genojn en la estonteco.

    En la 12 kromosomoj de rizo estas genetikaj informoj koncernantaj bonkvalitighon, altan produktadon, kapablon rezisti kontrau malsanoj kaj fiinsektoj, trosekeco kaj inundo kaj falo. Per aparta metodo chinaj sciencistoj faris precizan mezuradon de la tuta vico de la kromosomo n-ro 4 de la du rizospecoj kun malgranda ekarto kaj atingis la normon internacie rekonatan en mezurado de la genaro.

    La 25-an de novembro "Naturo", internacie autoritata angla revuo, publikigis la precizan skizon faritan de chinaj sciencistoj pri la kromosomo n-ro 4. La revuo alte taksis la laboron de chinaj sciencistoj kaj tiun de japanaj sciencistoj en mezurado de la riza kromosomo n-ro 1, dirante, ke ili estas afero kun mejloshtona signifo post skizado de la riza genaro.

    Antau tio 12 departementoj de Pekino kaj Hangzhou kunlaboris kaj faris skizon de la riza genaro oktobre de 2001. Tio estas la plej granda genaro mezurita post ordo-skizo de la homa genaro kaj ankau la plej granda genaro de plantoj. Chinaj sciencistoj konigis la tavolon de la genaro de rizo, per kiu duono de la monda loghantaro vivtenas sin. Dank' al tio produktado de altprodukta, bonkvalita kaj aroma rizo kapabla rezisti kontrau fiinsektoj kaj malsanoj kaj ech produktado de rizo kun gusto de lakto kaj ovo farighis eblaj kaj oni povas fari tion sur la genaro anstatau hibridigon generacio post generacio, tial la laboro farighis multe pli simpla.

    La analizo de la genoj enhavataj de la kromosomo n-ro 4 malkovris 4658 genojn kaj oni jam konis ilian precizan pozicion sur la kromosomo. Per tio oni metis bazon por daure ekspertizi la kapablojn de tiuj genoj, esplori la stabilecon kaj reproduktighon de la kromosomo kaj produkti transformeblan kromosomon de rizo kaj vegetajho.

    La ordo-analizo de la riz-kromosomo n-ro 4 malkovris multe da genetikaj informoj kaj kapablaj genoj kaj metis solidan bazon por kulturi bonkvalitan rizon en la estonteco. Krom tio la supre menciita mezurado utilas ankau por koni la genetikajn sekretojn de tritiko, maizo kaj aliaj grenplantoj.

Rilata artikolo:
La preciza ordo-skizo de rizgeno sukcese plenumita en Chinio