En
la mondo estas diversaj asocioj, el kiuj la Internacia Asocio de
Shtatestraj Kuiristoj estas aparte atentinda. Ghi estas la plej
alta organizajho de kulinara arto. Ghi donas la plej altan premion
al siaj membroj -- la Oran Medalon CCC. Ghis hodiau en la mondo
nur tri homoj ricevis ghin. Ili estas kuiristo de eksprezidanto
de Francio, kuiristo de 5 usonaj prezidantoj kaj Yang Guanyi, eminenta
kuiristo de haliotoj en Hongkong, Chinio. La de Yang preparita halioto
estas multe shatata de shtatestroj de diversaj landoj kaj allogis
multege da richaj frandemaj turistoj.
Infaneco
en milita tumulto
La
Hongkong-anoj rigardas Yang Guanyi kiel sian fieron. Fakte Yang
estas fiero ne nur de Hongkong, sed ankau de chiuj elmigrintaj chinoj.
Tiu eminenta china kuiristo havis mizeran infanecon kaj liaj travivajhoj
vidigis la diligentecon kaj saghecon de la china nacio.
Yang
naskighis en 1932 en Zhongshan-gubernio, loko richa je fishoj kaj
rizo en suda Chinio. Tiam en la tuta Chinio regis milita kaoso kaj
plie liaj gepatroj eksedzighis. Li kaj liaj du fratinoj vivis en
orfejo. Malfeliche estis, ke liaj du fratinoj tie mortis unu post
alia.
La
morto de la fratinoj estis peza bato al li. Li, dekkelkjara knabo,
kun 50 juanoj donita de lia avino, iris al Hongkong kaj eklaboris
kiel purigisto kaj servisto en restoracio kaj fine mem funkciis
kiel direktoro. Dank' al siaj diligenteco, honesteco kaj sagho li
akiris laudon kaj admiron de la kuirista rondo de Hongkong.
Valoraj
haliotoj
En
la 70-aj jaroj prosperis en Hongkong la manghajha industrio. Tiam
en Hongkong estis proksimume 8 mil restoracioj grandaj kaj malgrandaj.
Yang kaj liaj amikoj kune funkciigis restoracion. Komence la restoracio,
kiu servis chefe per maraj produktajhoj, funkciis glate, sed post
kelkaj jaroj la entreprenado farighis pli kaj pli malfacila. Pluraj
akciuloj retiris sian kapitalon kaj la restoracio falis en depresion.
Tiam Yang, direktoro de la restoracio, persone laboris kiel kuiristo,
kio estis malofta en la tiama Hongkong kaj multe kuraghigis la dungitojn.
Efektive,
jam en la unua tago, kiam aperis depresio de la restoracia entreprenado,
Yang atente observis kaj analizis aliajn restoraciojn de la loko
por trovi la vojon liberigi sin el la malfacilo. Post plurjara observado
li trovis, ke restoracio destinita por servi al richaj klientoj
estas prospera. Ghiaj pladoj el haliotoj, holoturioj kaj sharkaj
naghiloj estas rafinite preparitaj kaj ankau ilia prezo estas alta,
tamen multe da klientoj vizitas ghin. Ghia sukceso edifis lin, ke
li decidis prove fari multekostajn pladojn el haliotoj.
Tiam
iuj asertis, ke Yang ne sukcesos en tio, char por prepari bongustan
pladon el halioto oni bezonas du tagojn, kaj plie la laboro estas
delikata kaj laciga. Haliotoj estas valoraj, kaj se la de Yang preparita
plado el halioto estas malpli bongusta ol tiu en la fama restoracio,
do Yang suferos de pli granda deficito.
Yang
tamen kredis, ke la homo eltenema estas pli forta ol dio. Li achetis
haliotojn valorajn je pli ol cent miloj da juanoj kaj faris sisteman
studon kaj preparadon. Post kelkjara penado, en la komenco de la
80-aj jaroj li finfine sukcesis en preparo de bongustaj pladoj el
halioto. El seka halioto de Japanio kaj per tradiciaj kuiriloj,
kia argila poto kun bragho, li preparis bongustan pladon. En la
preparado li rezervis la esencon de maljunaj kokinoj kaj ripajhoj
kaj faris renovigon en uzado de fajro. Iom post iom liaj pladoj
el haliotoj superis aliajn kaj li mem ekghuis grandan famon inter
la Hongkong-aj entreprenistoj de restoracioj.
Li
estas fama ankau ekster Hongkong
Surbaze
de siaj atingoj Yang daure rafinis sian kuirarton kaj disvolvis
sian sperton akumulitan en la pasintaj 30 jaroj. Lia kuirarto jam
atingis altan nivelon. Li prezentis sian arton prepari pladojn en
ceramika poto antau la klientoj, kio mirigis la kuiristan rondon
de Hongkong.
Maje
de 1985 rekomendita de la kulinaraj majstroj de Hongkong, li veturis
al Pekino kaj prezentis sian arton en la Popola Halo. Lia prezentado
mirigis chiujn apudestantajn kuiristojn kaj de tiam la frandajhoj
preparitaj de li famighis tra la tuta Chinio.
En
la sekvanta jaro invitite de la Hotelo por Shtataj Gastoj Diaoyutai
li refoje veturis al Pekino, instruis sian arton al la tieaj kuiristoj
kaj persone preparis pladojn por chinaj gvidantoj. En tiu jaro la
magnato de shipoj de Hongkong Bao Yugang regalis Deng Xiaoping en
la hotelo. Kiam ili manghis pladon el haliotoj, Deng kun emocio
diris, ke tiel bongusta plado estas manghebla nur post ekpraktikado
de la politiko de reformado kaj pordmalfermo. Kaj la kuiristo, kiu
preparis la pladon, lernis la kuirarton ghuste de Yang Guanyi.
De
tiam Yang farighis granda famulo. Richaj komercistoj, grandaj frandemuloj,
eksterlandaj turistoj kaj gravaj politikistoj kaj altrangaj oficistoj
unu post alia vizitis lian restoracion, kaj li prezentis sian arton
en multaj lokoj de Chinio kaj aliaj landoj kaj plurfoje ricevis
grandan premion.
Rilata artikolo: Pladoj
el haliotoj
|