Rakonto pri la pentrajho "Nokta Bankedo de Han Xizai"

Pri la pentrajho

de WA NA

     Han Xizai estis suspektata je ribelo kontrau la monarko. Li estis superrigardata. Pentristo Gu Hongzhong ja estis spiono de la monarko. Li estis eminenta pentristo kaj havis altan rangon en la kortego. Li estis bona amiko de Han Xizai kaj ofte partoprenis en lia nokta bankedo.

    La monarko Li Yu estis eminenta en literaturo kaj pentrarto, sed stulta en politiko. Li senchese tributis al la malamika lando por almozi kvietan vivon, sed samtempe li suspektis eminentajn korteganojn. La abdiko de Han Xizai pliigis lian suspekton.

    Foje li informighis, ke korteganoj kolektighos en la hejmo de Han. Li terurighis pro suspekto: Chu ili komplotos por ribelo? Li sendis sian fidelan korteganon Gu Hongzhong enketi pri la afero. Li ordonis al li pentri la scenon de la bankedo.

     Gu trovis, ke en la hejmo de Han kolektighis ne nur reputaciaj korteganoj, sed ankau famaj prostituitinoj kaj aktoroj. Forlasinte la bankedon, Gu faris la pentrajhon "Nokta Bankedo de Han Xizai". Li Yu malvolvis la pentrajhon kaj trovis, ke Han Xizai dronis en orgojlo, kaj malstrechis sian singardemon. Sed rigardante pli detale, li trovis, ke la mieno de Han montris lian mornon kaj senpovecon, ke li kashis sian ambicion en orgojlo. Li do dekretis ekzili lin el la chefurbo.

     Tiam Han Xizai aghis 57 jarojn kaj fartis malbone. Konsiderante, ke li ne povos elteni la lacon de transloghigho, li petis malpezigi la punon. La manarko konsentis, ke li restu en la chefurbo, kondiche, ke li ne plu renkontighu kun siaj amikoj. Poste Han grave malsanighis kaj mortis.

Kiu estis Han Xizai?
Kvin scenoj de la nokta bankedo
La pentrajho poste...