Chinaj pentrajhoj pri montoj kaj riveroj

En Yuan-dinastio (1206-1368)

de XI JIANG

    En tiu periodo la china pikturo pri pejzaghoj rimarkinde progresis. Tiamaj famaj pentristoj estis Huang Gongwang, Wang Meng, Ni Zan, Wu Zhen kaj aliaj. Pro la nacia subpremado kaj pesimismo de pentristoj, iliaj pentrajhoj, ekz. "Fea Loghejo che la Pluva Roko" de Huang Gongwang kaj "Ermita Loghejo" de Wang Meng, temas chefe pri ermita vivo. Sed la verkoj de la supre menciitaj famaj pentristoj pli emfazas priskribadon de subjektiva sento. Ili kreis novan kriterion de ideo-esprima tuchado de simplaj kaj graciaj figuroj. Ili aplikis kaligrafian teknikon de chinaj ideografiajhoj en sia pentrado kaj envershis sian aspiron por esprimi sian senton kaj laueble doni poeziecon al siaj verkoj. Tio perfektigis la originalan estetikan sistemon de la china pikturo pri pejzaghoj, kreis novan stilon por postaj pentristoj kaj formis alian kulminon de la china pikturo pri pejzaghoj en ghia disvolvigho.



.