En
Nankino, chefurbo de Jiangsu-provinco che la malsupra parto de Yangzi-rivero,
estas mauzoleo de Zhu Yuanzhang, fondinto de Ming-dinastio (1368-1644).
Ghia chirkaumuro longas je 22.5 kilometroj. Ghia konstruado dauris
33 jarojn. En ghia regiono estas multaj pavilonoj, kioskoj kaj aliaj
konstruajhoj sin kashantaj en pinaroj.
Por
atingi la mauzoleon, oni unue devas trapasi la Dechevalighan Pordon.
Tie staras la alta shtona pordo kun atentigo: "Chiuj dechevalighu
chi tie", char oni devis piediri ghis la mauzoleo por esprimi
respekton al la mortinto. De tie komencighas la Dia Vojo en longo
de 1100 metroj. La vojo zigzagas sur montodeklivo komplete konformighante
al la tero. La unua duono de la vojo etendighas oriente-okcidente
kaj ambauflanke estas shtonaj leonoj, kameloj, elefantoj kaj mitaj
bestoj. La dua duono etendighas sude-norde kaj ambauflanke staras
po paro da shtonaj kolonoj kaj po 2 paroj da militaj kaj civilaj
korteganoj. La delikate gravuritaj shtonaj statuoj estas majstrajhoj
inter la samspeculoj de Ming-dinastio.
Antau
la tombo estas kvadrata turo kun po unu arka pordo en la kvar flankoj.
En la turo staras monumento kun gravurita teksto, kiun verkis imperiestro
Zhu Di por prikanti la meritojn de sia patro imperiestro Zhu Yuanzhang.
Sur
la turo oni povas havi panoraman vidon al prospera arbaro. Oriente
de la turo estas mauzoleo de Sun Yatsen, sude - la Umeflora Monto,
okcidente - la Botanika Ghardeno Sun Yatsen kaj norde - tombo, kutime
nomata Trezora Urbo. Sur la tombo kreskas maljunaj arboj kaj sube
estas hipogeo por la cherkoj de imperiestro Zhu Yuanzhang kaj lia
edzino. La volba tombo estas chirkauita de dika kaj fortika muro
bazita sur grandaj shtonoj. Sur la suda muro estas gravuritaj ideogramoj
"Tombo de la Unua Imperiestro de Ming-dinastio".
Xiaoling havas gravan lokon en la historio de arkitekturo de imperiestraj
mauzoleoj. Ghi heredis la principon "konstrui mauzoleon che
monto", sed la kvadrata tombo estis transformita en rondan,
kaj de tiam formulighis la skalo kaj formo de imperiestraj mauzoleoj,
ke la mauzoleo konsistas el kvadrata tomba turo kaj ronda chirkaumurigita
tombo, kaj la formulo estis observataj de la postaj imperiestroj.
Kvankam pasis jam centoj da jaroj, tamen la konstruajhoj de la mauzoleo
restis bonaj kaj pro tio ghi estis enskribita en la Liston de Mondaj
Heredajhoj.
|