Lushan-monto situas apud Poyang-lago sude de urbo Jiujiang de Jiangxi-provinco kaj estas unu el la famaj montoj de Chinio. La monto areas 300 kvadratajn kilometrojn. La Granda Hanyang-monto en absoluta alto de 1474 metroj estas la plej alta pinto de Lushan. La montpintoj de Lushan estas belaj, la nubomaro mistera, akvofaloj grandiozaj kaj historiaj vidindajhoj multaj.

    La chefaj vidindaj pejzaghoj estas Montpinto Kvin Avoj, Trinivela Akvofalo, Hanpokou-belvedero, Lulin-lago, Granda Chiela Lago, Flora Pado, Ruqin-lago, Brokata Valo, Fea Groto, Malgranda Chiela Lago, Donglin-templo, Klasika Lernejo de Blankcerva Groto, Botanika Ghardeno de Lushan kaj Muzeo de Lushan.

    Urbeto Guling kun 18 mil loghantoj estas turisma centro de la pitoreskejo de Lushan-monto. La loko havas absolutan altecon de 1167 metroj. Sudoriente de Lushan estas apika Montpinto Kvin Avoj, kiu similas al kvin maljunuloj sidantaj unu apud alia en vico. Alia montpinto Hanpo sidas kontrau Poyang-lago kaj sur Hanpokou-belvedero oni povas vidi la tutan lagon punktitan de velshipoj. Krome la teraso estas la plej tauga loko por rigardi sunlevighon. Oriente de Montpinto Kvin Avoj estas Trinivela Akvofalo. Akvo unue falas sur grandan rokon kaj poste fluas malsupren reflektante la buntan sunlumon. La alto de la akvofalo estas 300 metroj. La Granda kaj Malgranda Chielaj Lagoj de Lushan neniam sekighas. La Granda Chiela Lago estas plej tauga loko por rigardi vesperan krepuskon kaj tie oni vidas Yangzi-riveron maldikan kiel fadenon en malproksimo. La Malgranda Chiela Lago estas belvidejo por rigardi pejzaghon de Poyang-lago. La Botanika Ghardeno de Lushan situas en la Orienta Valo de Lushan, en absoluta alteco de 1000-1300 metroj. La ghardeno estis fondita en 1934 kaj areas 30 mil kvadratajn metrojn. En la ghardeno kreskas pli 3400 specoj da vegetaloj kaj rezervighas pli ol 100 mil specimenoj de diversaj vegetaloj.

    En 1996 Lushan-monto estis rekonita de Unesko kiel kultura kaj natura heredajho de la mondo.