Longmen-shtonkavernaro situas sude de Luoyang, chefurbo de multaj dinastioj en la pasinteco kaj nun grava urbo de Henan-provinco en la mezo de Chinio. Tie fluas Yishui-rivero kaj ambauborde de la rivero kushas Xiangshan-monto kaj Longmen-monto. Dum la 400 jaroj de la Norda Wei-dinastio (386-534) ghis la lasta periodo de Tang-dinastio (618-907) oni faris sur tiuj montoj kavernojn kaj skulptis en ili multajn budhostatuojn.

    Fengxian-templo estas la plej granda kaverno de Longmen. Ghi larghas kaj profundas po 30 metrojn. En la templo estas senkompare bela majstrajho statuo de budho Loshana. La statuo altas 17.14 metrojn kaj sole la kapo altas 4 metrojn kaj la oreloj 1.9 metrojn. Lau budhisma sutro Lushana signifas lumon tra la universo. Skulptante oni enkorpigis en la statuo noblajn personecojn, richajn sentojn, vastan animon kaj belan aspekton. La kavernaro kontinuas 1 kilometron, kaj 97000 budhostatuoj estas entenataj en 1300 kavernoj. Krome tie estas 3600 shtonaj gravurajhoj de notoj. En novembro de 2000 Longmen-shton-kavernaro estis metita de Unesko en la liston de Mondaj Kulturaj Heredajhoj.