Wuyi-montaro situas 15 kilometrojn sudokcidente de la urbo Wuyi de Fujian-provinco. La montaro areas 50 kvadratajn kilometrojn kaj altas 750 metrojn super la marnivelo. En la montaro estas smeralda 9-kurba Rivero, 36 charmaj montpintoj, 99 interesaj rokoj, ruino de kastelo de Han-dinastio (206 a.K.-220 p.K.), ruino de bakforno de porcelanajhoj de Song-dinastio (960-1279)...

    Wuyi-montaro karakterizighas per gruzeta stratumo. Sur la montpintoj en diversaj interesaj formoj kreskas prosperaj bambuaroj, kaj la rokmuroj estas tiel apikaj, kvazau hakitaj. Kutime la montoj estas grandaj che la bazo kaj malgrandaj che la supro, sed tie la montoj estas malgrandaj che la bazo kaj grandaj che la supro. La famaj el la 36 montpintoj estas Dawang, Yunü kaj Tianyou. Dawang staras che la malsupra parto de la 9-kurba Rivero, tute vertikala, kiel tranchita. Ghi staras kiel kolono subtenanta la chielon. Sur la supro de Dawang kreskas altaj maljunaj arboj. Tie oni povas havi belegan panoramon. Yunü staras apud la rivero kaj aspektas kiel svelta junulino. Tianyou estas la unua pitoreskejo de Wuyi-montaro. Tie oni povas plene ghui la pejzaghon de la 9-kurba Rivero kun longo de 7.5 kilometroj.

    Wuyi-montaro situas en la mez-azia tropika zono kaj estas chirkauita de montoj en la oriento, okcidento kaj nordo. La urbo Wuyi altas 210 metrojn super la marnivelo. La stratumoj havas klaran dividlinion kaj lokighas kiel shtuparo. Ghia nordokcidento estas pli alta ol la sudoriento kaj la plej granda alteco estas 2159 metroj super la marnivelo. La plej malalta loko en la montaro estas urbeto Xingtian, kie la absoluta alteco estas 165 metroj. En Wuyi-montaro oni instalis rezervejon. Lau statistiko en la rezervejo kreskas pli ol 3000 specoj da vegetaloj, kaj ghi ankau estas "subtropika zoo".