Alia nomo de Wudang-monto estas Taihe-monto. Ghi situas en la urbo Danjiangkou en la nordokcidenta parto de Hubei-provinco. Ghi estas fama taoisma monto de Chinio kaj fonto de Wudang-gongfuo. Ghi kovras 400 kvadratajn kilometrojn kaj ghia chefa pinto Tianzhu (Chiela Kolono) altas 1612 metrojn super la marnivelo, pro kio la pinto estas honorata kiel "Chiela Kolono". Sur la monto estas miloj da historiaj restajhoj el Yuan- kaj Ming-dinastioj kaj grandiozaj taoismaj konstruajhoj en racia dispozicio.

    Zixiao-templo estas unu el la kompare bone konservitaj antikvaj konstruajhoj, konstruita en 1413. La domoj de la templo estis konstruitaj sur montodeklivo unu super alia. La chefa konstruajho Zixiao-halo en la templo sidas sur 3-etagha bazamento kaj la fasado havas 5 spanojn. La tegmento estas tegita per verde glazuritaj tegoloj kaj la muro estas rughe farbita.
Ora Halo sidas sur la supro de montpinto Tianzhu. Ghi estis konstruita en la 1416-a jaro. Ghi estas bazita sur granita fundamento kaj la tegoloj, chevronoj, traboj kaj pordoj estas kupraj, en totala pezo de 80 tunoj. Sur la tegmentaj eghoj staras statuoj de feoj kaj diversaj bestoj. 12 rondaj kolonoj subportas la tegmenton. La Ora Halo markas superan artan nivelon kaj majstran teknologion de gisado, muntado kaj orumado en la antikva Chinio. Ghi estas la plej distingigha kaj plej tipa taoisma konstruajho. Meze de la monto estas miniatura urbo Zijin. La urbo perimetras 1.5 kilometrojn kaj estas masonita el shtonaj blokoj chiu kun pezo de 500 kilogramoj. En la kvar flankoj de la muro estas po unu pordo delikate gravurita. Tie oni povas vidi kontinuon da smeraldaj montoj kaj templojn racie dislokitajn. La loko estas tre bona por rigardi sunlevighon kaj vesperan nubomaron.

    En 1994 la Antikva Konstruajharo de Wudang-monto estis metita de Unesko en la liston de Mondaj Kulturaj Heredajhoj.