Intervjuate de raportisto pri la 17-a Tutlanda Kongreso de
la Komunista Partio de Ĉinio (KPĈ), Carlos Miguel Pereira,
kuba ambasadoro al Ĉinio, diris: "Ĉinio kaj Kubo estas
socialismaj landoj, kaj kongreso de kompartio estas grava
afero por la du landoj. Mi opinias, ke la okazo de la 17-a
Tutlanda Kongreso de KPĈ malfermos novan paĝon de la ĉina
konstruado."
Tiu juna ambasadoro diris
ankaŭ: "Laŭ mia opinio, la 'scienca vidpunkto de disvolviĝo'
elmetita de Hu Jintao signifas harmonian kaj ĉiuflankan disvolvon,
ne nur ekonomian disvolvon, sed ankaŭ disvolvon en socio,
politiko, kulturo, ktp. Ĉar neniu kampo povas esti metita
en la dua periodo por disvolvo."
"Ni atentas tiun vidpunkton
ankaŭ pro tio, ke ĝi postulas redukti distancon inter riĉeco
kaj malriĉeco. Mi laŭdas la ĉinan registaron pro ĝia disvastigo
de medicina asekureco kaj ĝia sinteno pri seriozaj sociaj
problemoj inkluzive de medio-protektado, konsumado de fueloj
kaj korupteco."
Carlos diris: "Kubo
samopinias pri la teorio de 'konstruado de harmonia socio'
elmetita de KPĈ. Nia prezidanto Fidel Castro konsideris harmonian
disvolvon de Kubo. En multaj artikoloj li menciis, ke oni
devas redukti la neharmoniajn kaj neekvilibrajn faktorojn
kaj solvi problemojn strikte koncernantajn la popolajn interesojn."
Li emfazis, ke Ĉinio jam
eniris ŝlosilan periodon de disvolvo, kaj la tuta mondo precipe
la evoluantaj landoj zorgas pri Ĉinio, ĉar ili povas tiri
lecionon el la disvolvo de Ĉinio.
Carlos diris fine: "Kubo
zorgas pri Ĉinio kaj ankaŭ Ĉinio zorgas pri Kubo, ni estas
amikoj, fratoj kaj kompanoj."
Ni
tre ŝatus vian sugeston, klaku kaj donu vian voĉon!
|