En la pasintaj kvin jaroj, de forigo de agrikultura imposto al subvencio por grenkulturado; de praktikado de deviga edukado al senpaga lernado por studentoj de normalaj lernejoj; de disvastigo de kampara koopera kuracado al garantio pri minimuma vivnivelo en la kamparo... la centra registaro praktikis serion da politikoj por ekvilibrigi disvolviĝon de la urboj kaj la kamparo, tiel la ĉina kamparo historie ŝanĝiĝis.

Reprezentanto Xu Shaohua, kompartia sekretario de urbo Zhanjiang, Guangdong-provinco, diris, ke la "integriĝo" estas ŝlosila vorto en la raporto de la 17-a Tutlanda Kongreso de KPĈ pri ekonomia disvolviĝo en la kamparo. Tio signifas integriĝon ne nur en reguligo kaj disvolvado, sed ankaŭ en publikaj servoj. Urbanoj ĝuas socian garantion, kamparanoj estos inkluditaj tiuflanke.

Akceli konstruadon de la soci-garantia sistemo, tiu de publika higieno, tiu de kuraca servo, tiu de kuraca garantio kaj tiu de medikamenta liverado, egala enoficigo por urbanoj kaj kamparanoj kaj aliaj favore al 900 milionoj da kamparanoj estas praktikaj rimedoj proponitaj en la raporto de la 17-a Tutlanda Kongreso de KPĈ.

Ni tre ŝatus vian sugeston, klaku kaj donu vian voĉon!