Okaze de la 17-a Tutlanda Kongreso de KPĈ, Huang Jing, supera erudito de Instituto Brookings, diris al raportisto, ke la 17-a Tutlanda Kongreso de KPĈ profunde influos disvolviĝon de Ĉinio en tri flankoj.
"Antaŭvideble, la 17-a Tutlanda Kongreso de KPĈ difinos novan orienton por evoluo de Ĉinio." Huang konsideris, ke koncepto pri scienca disvolvado kaj strategia disvolva notico pri harmonia socio enskribiĝos en partian statuton kiel orientilo de la Komunista Partio de Ĉinio, kaj la kongreso difinos novan orienton de disvolva programo en la venonta certa periodo laŭ la ĝenerala programo de disvolvado. Pro tio, serion da konkretaj kompletigaj politikoj eble ellaboros la sesioj de la Ĉina Popola Politika Interkonsiliĝa Konferenco (ĈPPIK) kaj la Tutlanda Popola Kongreso.

La nova orientilo kaj kompletigaj politikoj kaŭzos kvar ŝanĝiĝojn en la ekonomi-disvolva strategio de Ĉinio, nome la gravito de disvolvado turniĝos de kvanto al kvalito; la gravito de ekonomia disvolvado turniĝos de la urboj kaj ĉemaraj regionoj al la kamparo kaj landinterno; la gravito de socia laboro turniĝos de kreado de riĉaĵo al distribuado de riĉaĵo; produkta modo turniĝos de krud-materiala kaj prilabora al malalt-konsuma, energio-ŝpara, kaj memstare ekspluatanta.

Lia dua antaŭvido koncernas sistemon de transigo de plej supera povo de KPĈ. La 17-a Tutlanda Kongreso havos epokfaran signifon. Serio da informoj manifestas, ke la plej supera instanco fortigis bazon por la venonta gvidantaro, nome kolektiva gvidado, demokratia partopreno, agado laŭ proceso kaj kolektiva transigo de povo fariĝos sistemo de KPĈ. Tio signifas, ke post esplorado kaj praktikado de dekoj da jaroj, KPĈ ja kreis proceson de transigo de supera povo kaj faris tion sistemo. Tio kreos pli stabilan, pli racian kaj daŭrigeblan sistemon por transigo de povo de gvidantoj, kaj estos tre grava por konservi politikan stabilecon kaj longdaŭrecon de politiko.

Parolante pri la historia pozicio de la kongreso, Huang opiniis, ke tio dependos de tio, ĉu la orientilo kaj politikoj faritaj de la 17-a Tutlanda Kongreso venkos tri defiojn. Unue, oni devas garantii justecon en la proceso de daŭrigebla ekonomia disvolvado kaj konstruado de harmonia socio; due, Ĉinio alfrontos malfacilan rekonstruon de ekonomia strukturo; trie, estas necese pli elastigi kaj travidebligi la procezon de ellaborado de politiko.

Huang diris, ke se la gvidantaro bone traktos kaj venkos la tri defiojn post la kongreso, estas kredeble, ke Ĉinio disvolviĝos pli stabile kaj sane kaj rolos kiel respondeca granda lando.

Materialo:

Huang Jing diplomiĝis el Sichuan-universitato kaj Fudan-universitato de Ĉinio. Li akiris la titolon de politika doktoro de Universitato Harvard, kaj estas grava membro de la Centro por Studi la Ĉinan Politikon de Instituto Brookings. En la pasintaj jaroj la instituto investis grandan sumon de kapitalo kaj personoj al studado pri Ĉinio, kaj establis la Centron por Studi la Ĉinan Politikon, por ke Usono ĝuste kaj amplekse komprenu ĉion okazantan en Ĉinio.

Ni tre ŝatus vian sugeston, klaku kaj donu vian voĉon!