Eŭropo turnas sian
rigardon al Ĉinio
Antaǔvespere de la 17-a
Tutlanda Kongreso de la Komunista Partio de Ĉinio, t.e. de
la 4-a ĝis la 7-a de oktobro, okazis en 23 urboj de 8 eǔropaj
landoj la Dua Ĉina-Eǔropa Forumo. Tio montras grandan atenton
de eǔropaj landoj al Ĉinio.
La Instituto de Moderna
Ĉinio, Bruselo, estis unu el la organizantoj de la forumo.
Intervjuate, ĝia direktoro s-ro Gustaaf Geeraerts diris al
raportisto, ke li plurfoje lekciis en Ĉinio kaj ĉiufoje ne
povis sin deteni de admirado pri ĝia rapida progreso kaj la
gastamo de la ĉina popolo sentigis lin kiel hejme.
Rememore pri sia unuafoja
prelego en Nankai-Universitato antaǔ 10 jaroj, li diris kun
profunda sento: "Jam tiam mi sentis, ke Ĉinio deziras
esti monda potenco, sed neniel mi povis imagi al mi, ke ĝi
disvolviĝis tiel rapide."
S-ro Geeraerts diris, ke
la disvolviĝo de Ĉinio, lando kun vasta teritorio kaj granda
loĝantaro, estas multe priparolata de la tuta mondo. Ekde
la 16-a Tutlanda kongreso de KPĈ, Ĉinio dediĉis grandan atenton
al daǔrigebla disvolviĝo, harmoniiĝo kaj solvo de la problemoj
kaǔzitaj de ĝia rapida disvolviĝo. Tio montras, ke Ĉinio estas
sobra pri si mem.
De Gucht, belga ministro
de eksteraj aferoj, kiu ĉeestis la Ĉina-Eŭropan Forumon, diris,
ke la rapida disvolviĝo de Ĉinio alportis al la mondo senprecedencan
ŝancon, sed ne minacon. Jam en la historio Ĉinio estis unu
el la plej riĉaj kaj civilizitaj landoj de la mondo kaj en
la estonteco oni trovos, ke ĝi reprenos sian originan lokon.
Ni
tre ŝatus vian sugeston, klaku kaj donu vian voĉon!
|