Komence de la reformado kaj pordomalfermo ekde
1978, la politiko de familia respondeca laŭkontrakta produktado
praktikata en la kamparo estis rigardata kiel la unuafoja
"strategia progreso" por trakti aferojn pri agrikulturo,
kamparo kaj kamparanoj. Depost la 16-a kongreso de la Komunista
Partio de Ĉinio (KPĈ) okazinta novembre de 2002, sistema reformado
de la politiko pri konstruado de nova kamparo, industrio kompensanta
kamparon kaj urboj helpantaj kamparon estas refoja "strategia
progreso".
En la unuaj jaroj ekde 1949 centmilionoj da kamparanoj
faris historian kontribuon kaj akumulis kapitalon de biliardoj
da juanoj por industriiĝo kaj urbiĝo de la ŝtato. Hu Jintao,
ĝenerala sekretario de la Centra Komitato de KPĈ, diris en
la kvara sesio de la 16-a Centra Komitato de KPĈ okazinta
en Pekino septembre de 2004, ke por la unuaperioda industriiĝo
en ĉiuj landoj estas la kamparo, kiu kontribuas al disvolviĝo
de industrio kaj urboj, kaj kiam industrio estas en glata
disvolvado, ĝi rekompencas siavice la agrikulturon kaj la
urboj subtenas la kamparon. Tio estas du ĝeneralaj tendencoj.
La du tendencoj signifas gravan alĝustigon de
la politiko de KPĈ pri la agrikulturo, kamparo kaj kamparanoj.
Post publikigo de kvar dokumentoj ĉiu kun n-ro 1 post la 16-a
kongreso de KPĈ, maturiĝis iom post iom la politiko favora
al la agrikulturo, kamparo kaj kamparanoj, de enspeza kresko
de la kamparanoj al intensigo de sinteza produktado de agrikulturo,
de konstruado de nova socialisma kamparo al disvolvado de
moderna industrio.