Disvolvi socialisman demokratian politikon estas senŝanĝa celo de la Komunista Partio de Ĉinio.

La raporto de la 17-a Tutlanda Kongreso de KPĈ eksplikis per multaj paragrafoj, ke Ĉinio senŝanceliĝe disvolvos socialisman demokratian politikon, kaj elmetis konkretajn rimedojn “plivastigi popolan demokration por garantii mastrecon de la popolo”, “disvolvi bazan demokration por garantii al la popolo ĝui pli multajn kaj pli praktikajn demokratiajn rajtojn”.

Reprezentanto Yu Kongfeng de la 17-a Tutlanda Kongreso de KPĈ el Heilongjiang-provinco diris, ke la raporto faris aranĝon kaj elmetis rimedojn por akceli demokratian politikon. La propono elekti reprezentantojn de la popola kongreso de la urboj kaj la kamparo laŭ proporcio de la respektivaj nombroj de loĝantoj konformas al la deziro de la ĉinaj kamparanoj.

Reprezentanto Fu Xiaoqiu diris: “Senŝanceliĝe disvolvi socialisman demokratian politikon estas nenio alia ol roligi la popolon mastro de la ŝtato kaj plejeble partoprenigi la popolon en politikaj aferoj por ke la popolo uzu kaj protektu sian rajton en la ŝtata afero kaj ludu pozitivan rolon en la konstruado kaj disvolvado de la patrolando.”

Ni tre ŝatus vian sugeston, klaku kaj donu vian voĉon!