Zhu Jianhua, kamparano
el Jianli-gubernio, Hubei-provinco, transsendis apartan "donacon"
al la 17-a Tutlanda Kongreso de KPĈ.
De post 1993 Zhu kolektis
cent fakturojn, kiuj notas historion de agrikultura imposto.
Bona ŝanco turnis sin al kamparanoj ekde somero de 2002.
— ŝarĝo de kamparanoj reduktiĝis
pli ol 20% en 2002;
— la registaro donis al
ili subvencion de bonspecoj kaj greno en 2004;
— la ŝtato forigis imposton
super agrikulturo, paŝtado kaj specialaj produktoj en 2006.
Sole en Jianli-gubernio
la ŝarĝo de kamparanoj malgrandiĝis de 380 milionoj da juanoj
en la plej malfacila tempo al 31 milionoj da juanoj lastjare.
Tutlandaj kamparanoj malŝarĝiĝis je 120 miliardoj da juanoj
jare. Inter 2004 kaj 2006 la pokapa enspezo de kamparanoj
kreskis je 300 juanoj jare kun la plej alta rapideco post
fondiĝo de la nova Ĉinio.
Same kiel aliaj, Zhu ŝanĝis
sian sintenon de kampo-forlaso al aktiva gren-kulturado. Li
sendis la fakturojn al la provinca registaro, esperante ke
oni transdonos lian "donacon" al la kongresejo.
La "donaco" simbolas
stabilan sintezan reformadon en la kamparo: forigo de la agrikultura
imposto kaj lernopago de deviga edukado en la kamparo, vastigo
de kampara kuraca asekuro, kaj rapida altiĝo de kamparana
enspezo.
Kamparanoj antaŭenpuŝas
reformadon en Ĉinio, kaj reformado de Ĉinio ne forgesas ilin.
Ili estas ĝuantaj la fruktojn de reformado kaj pordo-malfermo
enirante en riĉan socion.
Ni
tre ŝatus vian sugeston, klaku kaj donu vian voĉon!
|