Novaj malfaciloj de popolanoj

Enketo montras, ke ĉi-jare grandaj pagoj por aĉetado de domo, vizito de lernejo kaj kuracado fariĝis novaj malfaciloj de ĉinaj popolanoj.

Fakte, tiuj malfaciloj estas la plej zorgataj ankaŭ de la ĉina registaro. Post la 16-a Kongreso de la Komunista Partio de Ĉinio okazinta en 2002, la ŝtata financo multe inkliniĝis al la kampoj koncernaj al interesoj de la popolo.

En la lastaj jaroj higiena investo de la ŝtata financo altiĝis je 20%, kaj samtempe la koopera kuraca sistemo en la kamparo mildigis la higienan malegalecon inter urboj kaj la kamparo; en iuj lokoj oni rapidigis starigon de kurac-garantian sistemon por solvi la malfacilecon en kuracado. En 2006 la novtipaj kooperaj kuracejoj en la kamparo servis por 400 milionoj da kamparanoj, kaj la pokapa kosto de enhospitaliĝo unuafoje malkreskis en Ĉinio.

Por antaŭenpuŝi egalecon en edukado, la ĉina registaro nuligis lernopagon de la deviga edukado en la kamparo, kaj senpage liveris lernolibrojn al la lernantoj el la familioj de malriĉaj kamparanoj aŭ subvenciis ilin por ilia loĝado en lernejo. Dank’al tio la familioj de 150 milionoj da element- kaj mezlernejanoj el la kamparo reduktis ekonomian ŝarĝon.

Por stabiligi la prezon de domo, la ĉina registaro praktikis serion da politikoj kun la celo ĝustigi dom-uzadon kaj disvolvi ekonomiajn domojn kun mez- kaj malgrandaj apartamentoj . La 1-an de aŭgusto la centra registaro okazigis kunvenon kaj atingis la komunan konon pri la celo de domaj konstruado kaj reformo, t.e. solvi la problemon de loĝado por urbanoj kun malalta enspezo. En la venontaj kvin jaroj la registaro praktikos la sistemon, ke la familioj kun malalta enspezo povu elteni dom-luadon.

Ni tre ŝatus vian sugeston, klaku kaj donu vian voĉon!