Neekvilibro ekzamenos disvolvon de ekonomio kaj socio

La problemo de neekvilibro kaŭzis multajn problemojn dum disvolvado de ekonomio kaj socio. Laŭ la raporto de la 17-a Tutlanda Kongreso de la Komunista Partio de Ĉinio (KPĈ), dum kresko de la sinteza ŝtata forto kaj financa forto, ekzistas ankaŭ neekvilibro inter la urboj kaj kamparo, inter malsamaj regionoj, inter malsamaj industrioj kaj inter sociaj grupoj. Malgrandigo de tiuj diferencoj fariĝis gravaj problemoj solvendaj por Ĉinio estontece.

Multaj reprezentantoj opinias, ke la apero de diferenco estas neevitebla dum disvolvado. Sed nun la diferenco estas tro granda, kaj oni devas alte taksi kaj serioze solvi tion.

Laŭ statistiko de 2006, la proporcio de la totala enlanda produktovaloro inter la oriento, mezo kaj okcidento de Ĉinio estas 3.26:1.09:1; laŭ enspezo de la popolo, la pokapa enspezo de la popolo en la urboj estas 12 mil juanoj (ĉ. 1200 eŭroj), sed tiu de kamparano estis malpli ol 3600 juanoj (ĉ. 360 eŭroj).

Lian Chengmin, reprezentanto de la kongreso kaj sekretario de la kompartia komitato de urbo Linyi de Shandong-provinco, diris, ke la raporto de la kongreso jam aranĝis dispozicion por malgrandigi la diferencon inter la urboj kaj kamparo, akceli akordan disvolvon de malsamaj regionoj, samtempe disvolvi ekonomion kaj socion kaj reformi la sistemon de distribuado de enspezo. Tio estas pozitiva respondo al la atendo de la popolo.

Xuan Ming, reprezentanto de la kongreso, diris, ke en la pasintaj jaroj, nordorienta Ĉinio disvolviĝis rapide, sed malpli rapide ol sudorienta Ĉinio. "Mi kredas, ke post la 17-a Tutlanda Kongreso de KPĈ, la diferenco inter malsamaj regionoj malgrandiĝos, oni akcelos socian harmonion, tiel multaj novaj politikoj kaj novaj ideoj aperos por antaŭenpuŝi disvolvadon."

Ni tre ŝatus vian sugeston, klaku kaj donu vian voĉon!