Dum la tagoj de la 17-a Tutlanda Kongreso de la Komunista Partio de Ĉinio (KPĈ), reprezentantoj de Fujian-provinco en sudorienta Ĉinio varme diskutis pri unuiĝo de la du bordoj de Taiwan-markolo.

"Unuiĝo de la du bordoj de Taiwan-markolo estas nepra historia tendenco por la granda reprosperiĝo de la ĉina nacio. La raporto de la kongreso postulas subteni ekonomian disvolvon de la regionoj kun kompare granda investo el Taiwan, tio signifas, ke Fujian-provinco havas pli bonan ŝancon por sin disvolvi," diris reprezentanto Zhang Zhinan.

Reprezentanto Zhang Guangmin diris: "La raporto pri Taiwan-problemo vekis 5-fojan aplaŭdadon de reprezentantoj, tio montras, ke unuiĝo de la patrolando estas komuna volo de la ĉina nacio."

Reprezentanto Yuan Rongxiang diris, ke la raporto prenas subtenadon al ekonomia disvolvo de la okcidenta bordo de Taiwan-markolo kiel parton de praktikado de "unu lando kun du sistemoj" kaj de paca unuiĝo de la patrolando, tio montras, ke la Centra Komitato de KPĈ alte taksas ekonomian konstruadon en la okcidenta bordo de Taiwan-markolo. En la pasintaj du jaroj, multaj Taiwan-aj komercistoj investis en Fujian-provinco, do oni devas akceli konstruadon de la okcidenta bordo de Taiwan-markolo kaj servi por unuiĝo de la patrolando.

Reprezentanto Liang Qiping diris: "Nun ekonomia, komerca kaj kultura interŝanĝoj de la du bordoj pli kaj pli intensiĝas, kaj multaj Taiwan-anoj diris al mi, ke ili profitis de la politikoj favoraj al Taiwan ellaboritaj de la registaro de la ĉeftero. Nun multaj Taiwan-anoj aspiras kiel eble plej baldaŭan realigon de "rekta poŝtservo, rekta komercado kaj rekta civila navigado inter la du bordoj" por pliintimiĝi kaj pliprofundigi kunlaboron de ambaŭ flankoj kaj klopodi por la granda reprosperiĝo de la ĉina nacio.

Ni tre ŝatus vian sugeston, klaku kaj donu vian voĉon!