"La raporto de la 17-a Tutlanda Kongreso de KPĈ rakontis grandajn ŝanĝiĝojn de la stato de la kamparanoj laborantaj en urboj. Nia vivo pli kaj pli boniĝos," diris iuj kamparanoj laborantaj en urbo Hefei, Anhui-provinco. La paragrafoj de la raporto pri la popola vivo estas tre popularaj kaj esprimas prizorgon de KPĈ kaj la registaro al la popolo. Tio signifas, ke la kamparanoj laborantaj en urboj havos pli bonan vivon.

Liu Liangqian, kamparano de Anhui-provinco, diris, ke profunde impresis lin la vortoj en la raporto de la kongreso menciantaj evidentan pliboniĝon kaj starigon de norma unueca merkato de homaj resursoj.

Liu diris: "En la pasintaj jaroj mi laboris por submastro kaj estis pagita unufoje en la jarfino. Mi peze laboris tra la tuta jaro, kaj ĉiam timis esti nepagita. Mi timis, ke la submastro forkuros malversaciante mian tutjaran salajron. Nun mi subskribis laborkontrakton kun laborperejo kaj estas pagata ĉiumonate. La perejo disponigis al mi kaj mia edzino loĝejon, kaj ni aliĝis al asekuro kontraŭ korpodamaĝo.

Liu laboris en Kantono, Ŝanhajo kaj aliaj grandaj urboj por pli ol dek jaroj. En 2003 li interkontraktis kun kompanio-laborperejo de Hefei kaj havas kantinon kaj loĝejon.

Nun troviĝas en Hefei 190 laborperejoj, kiuj liveras teknikan kaj sekuran trejnadon por kamparanoj laborantaj en urboj, asekurigas ilin kontraŭ akcidentoj kaj liveras sintezan servon por ili.

"Mi deziras lerni teknikon por labori en fabriko," diris Sun Hui, kamparano el Anhui. Li plej zorgas pri profesia trejnado. Matene de la 15-a de oktobro, post kiam Sun Hui televidis inaŭguron de la 17-a Tutlanda Kongreso de KPĈ, li diris al raportisto, ke li klare memoras la dirojn en la raporto, "perfektigi sistemon de profesia trejnado por ĉiuj laborantoj", "fortigi profesian trejnadon por superflua kampara laborforto" ktp. Li diris, ke kamparanoj laborantaj en urboj ege bezonas teknikon. Se li ellernos teknikon, estas facile por li trovi laboron.

Ni tre ŝatus vian sugeston, klaku kaj donu vian voĉon!