Akcenti laborigon por harmonio
En 2007 kvankam malofte
vidiĝis homfluoj svarmantaj al foiroj de laborigo en grandaj
aŭ mezgrandaj urboj, tamen la situacio de laborigo estas ankoraŭ
rigora.
La Ŝtata Disvolva kaj Reforma
Komisiono kaj aliaj departementoj de Ĉinio informas, ke la
nombro de senlaboruloj malkreskos en 2007, tamen la laboriga
premo ne reduktiĝos.
De post la 16-a Kongreso
de KPĈ, la ĉina registaro publikigis serion da politikoj pri
laborigo, inter kiuj la plej grava strategia politiko estas
certigi la gravecon de neŝtata ekonomio. Tio favorigas la
civilan ekonomion por laborigo. Samtempe la registaro publikigis
konkretajn politikojn stimuli disvolviĝon de serva kaj laborintensa
entreprenoj por vastigi laborigan merkaton.
En Jinniu-distrikto de
la urbo Chengdu de Sichuan-provinco en sudokcidenta Ĉinio,
iuj senlaboriĝintoj trovis novan laboron dank' al la nova
politiko, ke nove establitaj serv-entreprenoj, kiuj laborigis
senlaborulojn, konsistigantajn pli ol 30% de la totala laborantaro,
ne pagas impostojn pri negoco, urba konstruado kaj gajnado
por tri jaroj. Kaj aliaj efikaj rimedoj en diversaj lokoj
solvis la problemon por doni laboron al sennombraj altlernejaj
diplomitoj kaj familioj sen laborantoj.
En la pasintaj kvin jaroj
faciliĝis laborula fluado kaj loĝa administrado. Por pli kaj
pli da homoj, familia registro ne plu estas malhelpo en publika
servo, vojaĝo, aĉetado, edukado, kaj socia garantio. Laboriga
merkato pluapaŝe vigliĝas.
Ekde 2003 altigi laborigan
rilatumon estas unu el la celoj de makroreguligo en Ĉinio.
Stimuli laborigon kaj relaborigon, kaj limigi senlaborecon
en urboj kaj urbetoj jam fariĝis kriterio por juĝi laboron
de ĉiunivelaj registaroj.
En tiu situacio kvanto de
laboruloj altiĝas kaj laboriga strukturo pliboniĝas. Samtempe
senlaboreco en urboj kaj urbetoj restas malpli ol 4.3%.
En marto 2007 ellaboriĝis
projekto de leĝo por stimuli laborigon. Koncerna respondeculo
el la ministerio pri laboro kaj socia garantio informis, ke
Ĉinio establos longtempan sistemon por antaŭenpuŝi laborigon
pere de la leĝo.
Same kiel aliaj evoluantaj
landoj, Ĉinio longtempe alfrontas la problemon de laborigo.
Por solvi la problemon, fakuloj proponas starigi strategion
pri prioritato de laborigo kaj fortigi makroreguligon de la
registaro.
Ni
tre ŝatus vian sugeston, klaku kaj donu vian voĉon!
|