Virino kaj 600 miloj da arboj

de HAN RUILIN

37-jara Yu Xiaolan estas unu el la reprezentantoj de la 17-a Tutlanda Kongreso de la Komunista Partio de Ĉinio (KPĈ). Ŝi vivas en montvilaĝo de Zuoyu-gubernio de Shanxi-provinco en norda Ĉinio. En la pasintaj 10 jaroj, Yu Xiaolan kaj ŝia edzo plantis 600 milojn da arboj kaj per tio verdigis ĉ. 167 hektarojn da tero sur dezertaj montoj.

Yu Xiaolan naskiĝis en familio de ŝtatoficisto en Yunnan-provinco en sudokcidenta Ĉinio. En 1989, 24-jara Yu Xiaolan forlasis sian bonan oficon kaj komfortan vivon en urbo kaj venis al malgranda kaj malriĉa montvilaĝo kune kun sia edzo malmobilizita.

Tie ili laŭkontrakte kulturis 2 hektarojn da malfekunda tero ĉe rivero kaj ĉ. 270 hektarojn da tero sur dezertaj montoj. Ili plantis fruktarbojn por plibonigi sian vivon kaj verdigi la montojn. Ili laboris de frumateno ĝis malheliĝo kaj manĝis mantoon (plej ĉefa manĝaĵo el vaporumita fermentinta pasto), terpomon kaj tujvermiĉelojn. Por akvumi arbidojn, ili dekojn da fojoj devis iri malsupren por porti akvon supren sur la montojn.

Foje en aprilo de 2000 kiam ŝi estis transportanta akvon, pro malatento ŝi ruliĝis malsupren de montdeklivo kaj vundiĝis. Sed tio ne ŝanĝis volon de Yu Xiaolan en verdigo de dezertaj montoj. En 2001, la geedzoj laŭkontrakte kulturis 400 hektarojn da tero sur dezertaj montoj. En la pasintaj jaroj, por arbarigi la dezertajn montojn, ili finuzis sian tutan deponaĵon kaj la monon senditan de la patro kaj du pliaĝaj fratinoj de Yu Xiaolan, krome, ili forvendis oran ornamaĵon aĉetitan ĉe geedziĝo.

La strebo de Yu Xiaolan kaj ŝia edzo gajnis subtenon de la loka registaro. Helpate de la loka registaro, ili jam verdigis 167 hektarojn da tero sur dezertaj montoj plantinte pli ol 600 milojn da arboj.

Sed ambicia Yu Xiaolan ne kontentiĝis per tio. Ŝi volas kunligi arbarigadon kun brutbredado doni modelon al la samlokanoj. Ŝi planis starigis kompare grandan plilaborejon de grenoj, ekonomian forstejon kaj paŝtejon por bredi bovojn kaj ŝafojn.

Pro ŝia senlaca penado de arbarigado de dezertaj montoj, ŝi estis elektita reprezentanto de la 16-a kaj la 17-a Tutlanda Kongreso de KPĈ.

 

Ni tre ŝatus vian sugeston, klaku kaj donu vian voĉon!

Modelaj KPĈ-membroj