De 1978, Wu Yongqi komencis labori en la Muzeo de la Terakotaj Militistoj kaj Ĉevaloj de la Unua Imperiestro de Qin-dinastio (221-206 a.K.) en Xi'an, ĉefurbo de Shaanxi-provinco en meza Ĉinio; kaj en 1998, li fariĝis estro de tiu muzeo; ĝis nun Wu Yongqi jam laboris 30 jarojn kiel "gardisto de terakotaj militistoj kaj ĉevaloj".

"En la pasintaj 30 jaroj, la antikvaj kaj grandaj kulturaj heredaĵoj de la ĉina nacio ĉiam ekscitis min, kaj postulas, ke mi devu senĉese protekti tiujn terakotajn militistojn kaj ĉevalojn, kaj krei taŭgan medion por konstrui muzeon kun monda nivelo." Tion diris Wu Yongqi.

De antaŭ 30 jaroj kiam Wu Yongqi komencis labori en tiu muzeo, li senhalte restituis centojn da terakotaj militistoj kaj ĉevaloj.

Pro homa kaj natura influo, la farboj sur la terakotaj militistoj kaj ĉevaloj jam falis kiam ili ankoraŭ estis kovritaj per tero; elterigite, la restaj farboj fendiĝis, ruliĝis kaj fine falis en kelkajn minutojn. Do, protektado de la koloraj terakotaj militistoj kaj ĉevaloj fariĝis malfacilega problemo.

Wu Yongqi diris, ke se oni sukcese konservos la farbojn sur la terakotaj militistoj kaj ĉevaloj, oni sukcese konservos do iliajn kompletecon kaj originan aspekton. Pro tio la muzeo fondis esploran grupon en 1988 kaj kunlaboris kun koncerna departemento de Germanio por solvi tiun problemon.

Post pli-ol-10-jara klopodo, la esploro pri protektado de farboj sur la terakotaj militistoj kaj ĉevaloj prezidita de Wu Yongqi pasigis la ekspertizon de la Ĉina Ŝtata Buroo de Historiaj Restaĵoj.

Wu diris, ke la sukceso de protektado de farboj sur terakotaj militistoj kaj ĉevaloj estas unu el la fruktoj gajnitaj de la esplora grupo, kaj pro tio la Ĉina Ŝtata Buroo de Historiaj Restaĵoj fondis la Protektan Centron de la Terakotaj Historiaj Restaĵoj en tiu muzeo.

Ekde 1980, Wu Yongqi partoprenis restituadon de koloraj kupraj ĉevalo kaj ĉaro. La kupraj ĉevalo kaj ĉaro kun pezo de 2.45 tunoj estas antikva ĉina artaĵo kun reala aspekto, farita en duono de la praktika grandeco de la ĉaro de la Unua Imperiestro de Qin-dinastio.

"La kupraj ĉevalo kaj ĉaro konsistas el miloj da partoj, kaj ni uzis 10 monatojn por restitui ilin kaj renkontis multajn malfacilaĵojn dum tiu periodo. Ekzemple, la baldakeno sur la ĉaro kun diametro de 122 centimetroj kaj pezo de 33.23 kilogramoj rompiĝis en 316 pecojn, kaj ĝiaj plej granda kaj malgranda dikeco respektive estas 3 kaj 0.8 milimetro. Ĝi restis kovritaj subtere 2 milojn da jaroj kaj jam oksidiĝis kaj transformiĝis serioze. Ni ne sciis kia estas ĝia origina aspekto kaj renkontiĝis kun grandegaj malfaciloj por restitui ĝin, sed post nia foj-refoja klopodo, ni feliĉe sukcesis." Diris Wu.

De la 1-a de oktobro 1979, kiam la muzeo malfermiĝis al la publiko, ĝis nun, ĝin vizitis pli ol 56 milionoj da turistoj de Ĉinio kaj eksterlando, inter ili estas pli ol 140 ŝtatestroj kaj ĉefministroj. Samtempe, la terakotaj militistoj kaj ĉevaloj ankaŭ "vizitis" ĉ. 40 landojn kaj regionojn, kaj "ĉeestis" pli ol 100 ekspoziciojn, tiel, pli ol 20 milionoj da homoj ekster Ĉinio perceptis ĝian belecon.

"La Maŭzoleo de la Unua Imperiestro de Qin-dinastio estas subtera lando kun riĉa enhavo, kaj la terakotaj militistoj kaj ĉevaloj nur estas parto de tiu maŭzoleo." Diris Wu Yongqi.

Ni tre ŝatus vian sugeston, klaku kaj donu vian voĉon!