Matene de la 5-a de marto, chefministro Wen Jiabao faris raporton de la registara laboro en la Dua Sesio de la Deka Tutlanda Popola Kongreso. En sia raporto li diris, ke en la pasinta jaro la registaroj de diversaj niveloj serioze observis la decidon de la centra registaro pri pliigo de laborigaj kanaloj kaj asignis pli da mono al tiu afero. La centra registaro asignis 4.7 miliardojn da juanoj al laborigo kaj relaborigo kaj intensigis gvidon kaj servon al altaj lernejoj en ilia distribuo de la diplomitoj post ilia akcepto de pli da studentoj, kaj fine de 2003 83% de la diplomitoj de la superaj lernejoj ekhavis laboron, je 600 mil homoj pli multe ol en 2002.

La chefministro diris en la raporto, ke la centra registaro alte taksis solvon de malfaciloj en la produktado kaj chiutaga vivo de la popolanoj kaj precipe de la malrichuloj por protekti iliajn interesojn. En 2002 la centra registaro elspezis 70 miliardojn da juanoj por solvi tiun problemon kaj 9.2 miliardoj el la sumo estis uzitaj por garantii la vivon de la plej malrichaj urbanoj, kaj 22.35 milionoj da urbanoj ricevis monon por vivtenado je minimuma nivelo.

La chefministro diris, ke de 2003 la centra registaro asignis certan monsumon por helpi la malrichajn malmobilizitajn oficirojn kaj soldatojn, kaj refoje levis la normon de kompensa monsumo al la revoluciaj kripluloj.

La chefministro diris, ke en la pasinta jaro la shtato asignis pli da mono por helpi la malrichajn loghantojn kaj plibonigi iliajn labor- kaj vivkondichojn, kaj helpi katastrofitajn lokojn kaj popolanojn. En la pasinta jaro la centra registaro elspezis entute 8.03 miliardojn da juanoj por la katastrofitaj lokoj kaj popolanoj, t.e. je 63.9% pli multe ol en 2002, kaj krom tio la centra registaro elspezis 2.79 miliardojn da juanoj por rekonstruado post la katastrofo. Dank' al tio la popola vivo estis kompare bone aranghita post la katastrofoj, kaj produktado kaj rekonstruado estis bone farata. La registaroj de diversaj lokoj alte taksis solvon de la problemo kvitighi kun la kamparaj laboristoj per la shuldita monsumo.

Ni tre shatus vian sugeston, klaku kaj donu vian vochon!

>>> Chefpagho