Posttagmeze de la 10-a de marto okazis la kvara plena kunveno de la Dua Sesio de la Deka Tutlanda Popola Kongreso (TPK) en la Popola Halo en Pekino por auskulti, diskuti kaj ekzameni la laborraporton de la Konstanta Komitato de TPK, kaj tiujn de la superaj popolaj kortumo kaj prokurorejo.

Wu Bangguo, prezidanto de la Konstanta Komitato de TPK, faris raporton al la kongreso pri la laboro en la pasinta jaro kaj tasko por la sekvanta jaro. Wu rememoris la laboron en la pasinta jaro de kvin flankoj: Plifortighis la leghdona laboro kaj levighis la kvalito de la leghdonado; elstara estis la kontrolado kaj evidentighis ghia efiko; estis serioze traktataj la proponoj de la reprezentantoj kaj la reprezentantoj ludis pli gravan rolon; la konstanta komitato de TPK faris aktivan kontakton kun alilandaj parlamentoj kaj firmigis la amikajn rilatojn kun ili; memkonstruado kaj funkciado.

Xiao Yang, prezidanto de la Supera Popola Kortumo, faris raporton. En sia raporto li traktis grandskalan jurisprudencan ekzamenon pri justeco kaj efiko, ordigon de kriminalaj kazoj de transtemplima malliberigo kaj civilaj kaj administraj kazoj de transtemplima ekzameno kaj realigon de la jurisprudenca servo al la popolo.

Jia Chunwang, chefprokuroro de la Supera Popola Prokurorejo, raportis la laboron de diversnivelaj prokurorejoj de Chinio en la pasinta jaro.

Hu Jintao kaj aliaj shtataj gvidantoj cheestis la kunvenon.

Ni tre shatus vian sugeston, klaku kaj donu vian vochon!

>>> Chefpagho